بۇگىن الماتى قالاسىنىڭ وڭىرلىك كوممۋنيكاتسيالار قىزمەتى الاڭىندا الماتى قالاسى توتەنشە جاعدايلار دەپارتامەنتى باستىعىنىڭ ورىنباسارى پولكوۆنيك ەرلان الىبەك ۇلىنىڭ قاتىسۋىمەن بريفينگ ءوتتى.
ەرلان الىبەكوۆتىڭ ايتۋىنشا, كازگيدرومەت مالىمەتتەرى بويىنشا مامىر ايىنىڭ باسىندا قالا اۋماعىندا 76 مم جاۋىن-شاشىن جاۋعان. ونىڭ ىشىندە 12 مامىردا – 14 مم, 13 مامىردا 11 مم-گە, 14 مامىردا تۇسكە دەيىن 12 مم-گە دەيىن جاۋىن-شاشىن بولدى.
– اعىمداعى جىلدىڭ مامىر ايىندا اۋا تەمپەراتۋراسى 16 گرادۋستان جوعارى بولدى. ءبىر ايلىق جاۋىن-شاشىن مولشەرى قالىپتان جوعارى بولادى دەپ كۇتىلۋدە, – دەدى الماتى قالاسى توتەنشە جاعدايلار دەپارتامەنتى باستىعىنىڭ ورىنباسارى.
سونىمەن 12-14 مامىر ارالىعىندا جاڭبىردان بولعان سۋ تاسقىنىنىڭ 24 وقيعاسى تىركەلدى, ونىڭ ىشىندە, جەكە ۇيلەردە – 5, جەرتولەلەردە – 2, جەكە ۇيلەردىڭ اۋلالارىندا – 8 , كوشەلەردە – 9 وقيعا ورىن العان.
اتاپ ايتقاندا, الاتاۋ اۋدانىندا – 7 وقيعا, المالى اۋدانىندا – 3 وقيعا, اۋەزوۆ اۋدانىندا – 2 وقيعا, بوستاندىق اۋدانىندا – 1 وقيعا, جەتىسۋ اۋدانىندا – 2 وقيعا, مەدەۋ اۋدانىندا – 7 وقيعا, ناۋرىزباي اۋدانى – 1 وقيعا, تۇركسىب اۋدانىندا 2 وقيعا تىركەلدى.
ايناش ەسالي,
«ەگەمەن قازاقستان».
الماتى