ۇلان-باتور - ازيا چەمپيوناتىندا قازاقستاندىق سامبوشىلار 22 التىن, 16 كۇمىس, 13 قولا مەدال يەلەندى. جالپى مەدال سانى – 51.
قازاقستان قۇراماسى تۋرنير تابليتساسىندا 1 ورىنعا جايعاستى. جەڭىپ العان مەدالدار سانى بويىنشا ەكىنشى ورىندا – موڭعوليا قۇراماسى. تۋرنير يەلەرى قازاقستانعا التىن سانى بويىنشا ەسە جىبەردى. ءۇشىنشى ورىندا تۇركىمەندىك سامبوشىلار.
ەستەرىڭىزگە سالايىق, مامىردىڭ 11-14 ارالىعىندا موڭعوليانىڭ ۇلان-باتور قالاسىندا سامبودان ەرەسەكتەر, جاسوسپىرىمدەر مەن جاستار اراسىندا ازيا چەمپيوناتى ءوتتى, قازاقستان نامىسىن ۇلتتىق قۇرامانىڭ 65 مۇشەسى قورعادى. تۋرنير مونعول سامبوسىنىڭ قۇرىلۋىنا 50 جىل تولۋىنا ارنادى. ازيا چەمپيوناتى وسى جىلى 29 تامىز -1 قىركۇيەك ارالىعىندا يندونەزيا استاناسى دجاكارتادا وتەتىن ازيا ويىندارىنا دايىندىق سانالادى.