ەلەكتروندى ونەركاسىپتىڭ كەلەشەگى تالقىلاندى

بۇگىنگى تاڭدا ەلەكترونيكانىڭ الەمدىك نارىعى مۇناي ونىمدەرىنەن 4,5, ەنەرگەتيكا جانە جۇك تاسىمالىنان 2,5 ەسەگە ارتىق. ال اقپاراتتىق جانە تەلەكوممۋنيكاتسيالىق تەحنولوگيالاردىڭ بازاسى سانالاتىن – راديوەلەكترونيكانىڭ ماشينا شىعارۋ سالاسىنداعى ۇلەسى – 30, عىلىمي قۇرىلعىلار وندىرىسىندە – 40, ال اۆياتسيادا 50 پايىزدان اسادى. مامانداردىڭ بولجامىنا سايكەس, تاياۋ جىلداردا ەلەكتروندىق ونىمدەردىڭ الەمدىك ۇلەسى جالپى ونەركاسىپ ءوندىرىسىنىڭ 20 پايىزىن قامتيتىن بولادى. ال قازاقستانداعى ەلەكتروندى ونەركاسىپ سالاسىنىڭ بەت الىسى مەن دامۋ بارىسى قانداي؟ وسى ماسەلە توڭىرەگىندە  «يننوۆاتسيالىق تەحنولوگيالار پاركى» ارنايى ەكونوميكالىق ايماعىندا كاسىپكەرلەرمەن وتكەن كەڭەستە تالقىلاندى.

وتكەن جىلدىڭ جەلتوقسان ايىندا قر قورعانىس جانە اەروعارىش ونەركاسىبى مينيسترلىگى جانىنان قۇرىلعان ەلەكتروندى ونەركاسىپتى دامىتۋ دەپارتامەنتى ماماندارى سالانى دامىتۋعا بايلانىستى وزەكتى ماسەلەلەردى كاسىبي جيىنداردا ءجيى تالقىلاپ كەلەدى. بۇگىندە «2018-2020 جىلدارعا ارنالعان ەلەكتروندىق ونەركاسىپتى دامىتۋ بويىنشا جول كارتاسى» ازىرلەنگەن. جول كارتاسى كاسىپكەرلىك بەلسەندىلىكتى ارتتىرۋ, تەحنولوگيالىق تۇرعىدان دامۋ, عىلىمي-تەحنيكالىق قىزمەتپەن قامتاماسىز ەتۋ مەن ادامي كاپيتالدى دامىتۋ سياقتى ءتورت باعىتتى قامتيدى.

«الماتى قالاسىندا جانە قالا ماڭىندا كوپتەگەن ءوندىرىس ورىندارى شوعىرلانعان. كاسىپكەرلەرمەن كەزدەسىپ, ولاردىڭ ۇسىنىستارى مەن پىكىرلەرىن تىڭداۋ الداعى ۋاقىتتا مەملەكەتتىك تۇرعىدان قانداي شارالاردى جۇزەگە اسىرۋ قاجەتتىلىگىنە مۇمكىندىك بەرەدى. وسى ساپارىمىز بارىسىندا «كازينج ەلەكترونيكس», اقپاراتتىق جانە ەسەپتەۋىش تەحنولوگيالار ينستيتۋتى, «ارنايى كونسترۋكتورلىق-تەحنولوگيالىق بيۋرو» جشس, «ەلتەكس الاتاۋ», ءىت-كۆارتال سياقتى بىرقاتار نىسانداردى ارالاپ, كاسىپكەرلەردىڭ ۇسىنىستارىن تىڭدادىق»,  دەيدى قر قورعانىس جانە اەروعارىش ونەركاسىبى مينيسترلىگى ەلەكتروندى ونەركاسىپتى دامىتۋ دەپارتامەنتى ديرەكتورىنىڭ مىندەتىن اتقارۋشى ەرنۇر جاۋتىكباەۆ.

ەلەكتروندى ونەركاسىپتى دامىتۋ دەپارتامەنتى باسقارماسىنىڭ جەتەكشىسى دارحان احمەديەۆ كاسىپكەرلەردىڭ بەلسەندىلىگىن ارتتىرۋدا مەملەكەتتىك قىزمەتتەردى جەتىلدىرۋ, ءونىمدى ەكسپورتتاۋ مەن يمپورتتاۋ بارىسىندا مەملەكەتتىك قولداۋدى كۇشەيتۋ, كەدەندىك سالىقتى تومەندەتۋ سياقتى باسىمدىقتاردى اتاپ ءوتتى. ال, سالانى عىلىمي-تەحنيكالىق تۇرعىدان قاماتامسىز ەتۋدە  قورعانىس, اەروعارىش, ەلەكتروندى ونەركاسىپ, سونىمەن بىرگە كيبەرقاۋىپسىزدىكتى دامىتۋعا بايلانىستى زەرتتەۋلەر جۇرگىزىپ, «قازاقستان عىلىمىنىڭ بىرىڭعاي اقپاراتتىق جۇيەسى» جوباسىن دايىنداۋ قاجەت. تەحنولوگيالىق دامۋ تۇرعىسىنا كەلەتىن بولساق,  سەرتيفيكاتتالعان ونىمدەر ءتىزىمى جاسالۋى شارت. وندىرۋشىلەر قاۋىمداستىعى مەن ارنايى كونسترۋكتورلىق-تەحنولوگيالىق بيۋرو قۇرۋ دا سالانى دامىتۋعا بايلانىستى جۇزەگە اساتىن تەتىكتەر. بۇگىندە ءوندىرىستىڭ كەز كەلگەن سالاسى بىلىكتى ماماندارعا ءزارۋ. قازىرگى كەزدە ەلەكتروندى ونەركاسىپ سالاسىن كاسىبي ماماندارمەن قامتاماسىز ەتۋدە ءتيىستى مينيسترلىكتەرمەن ءىس-قيمىلدار قاراستىرىلىپ, روبوتتىق تەحنيكا, ەلەكتروندى ونەركاسىپ سالاسىنا قاتىستى باعدارلامالار ازىرلەنىپ, پەداگوگيكالىق كادرلاردىڭ بىلىكتىلىگىن ارتتىرۋعا بايلانىستى كەشەندى جۇمىستار قولعا الىنعان.

مينيسترلىكتىڭ اقپاراتتىق قاۋىپسىزدىك جونىندەگى كوميتەتى توراعاسىنىڭ ورىنباسارى دۋمان كۇنتۋباەۆ وكىلەتتى مينيسترلىكتىڭ, «اتامەكەن» ۇكپ, سالالىق ۇيىمدار مەن ءىت سالاسى ماماندارىنان كوميسسيا قۇرىلىپ جاتقاندىعىنان حاباردار ەتتى. قازىرگى كەزدە ەلەكتروندى ونەركاسىپ پەن باعدارلامالىق قامتاماسىز ەتۋ تىزىمىنە ەنۋدىڭ تالاپتارى ناقتىلانعان. ەڭ باستىسى – ءونىمنىڭ اقپاراتتىق قاۋىپسىزدىك ستاندارتتارىمەن سايكەس كەلۋى. تىزىمگە ەنگىزۋ بارىسى مينيسترلىك تاراپىنان قوسىمشا حابارلاناتىن بولادى ءارى ول شىلدە ايىندا قۇرىلىمدالادى.

الداعى ۋاقىتتا ءوندىرۋشى كاسىپورىندار, عىلىمي-تەحنيكالىق ورتالىقتار جانە وقۋ ورىندارىنىڭ پىكىرلەرىمەن Facebook الەۋمەتتىك جەلىcىندە تانىسىپ, سالانىڭ دامۋ بارىسىنا قاتىستى مالىمەتتەردەن حاباردار بولۋعا مۇمكىندىك بار. اسىرەسە كاسىپكەرلەر ءۇشىن ءوز ۇسىنىستارىمەن بولىسۋگە بولاتىن تاجىريبە الاڭىنا اينالۋى ءتيىس, دەيدى ماماندار.

ەلۆيرا سەرىكقىزى,

«ەگەمەن قازاقستان»

الماتى