ءبىلىم باسقارماسىنىڭ ماماندارى بەرگەن اقپارات بويىنشا بيىل جازعى دەمالىسپەن 60 مىڭ بالا قامتىلادى.
ولاردىڭ توعىز مىڭى – جەتىم بالالار جانە الەۋمەتتىك از قامتىلعان وتباسىلاردان شىققان. بۇل ماقسات ءۇشىن قازىنادان 63 ميلليون 674 مىڭ تەڭگە قاراستىرىلعان. 13 لاگەر جاز بويى جۇمىس ىستەيدى. «بالداۋرەن» رەسپۋبليكالىق ساۋىقتىرۋ ورتالىعىنا 224, «بوبەك» ۇلتتىق عىلىمي-تاجىريبەلىك, ءبىلىم بەرۋ جانە ساۋىقتىرۋ ورتالىعىنا 70 جولداما بولىنگەن. «سولنەچنىي» بالالار شيپاجايى 750 ءبۇلدىرشىندى قابىلدايدى.
جازعى كانيكۋلدى ءار بالا تاعاتسىزدانا كۇتەتىندىكتەن دەمالىستى تيىمدى ۇيىمداستىرۋدى جان-جاقتى قاراستىرىپ وتىرمىز. جىل سايىن الەۋمەتتىك جاعىنان از قورعالعان وتباسىلاردىڭ بالالارىن ساۋىقتىرۋعا, تاماقتاندىرۋ ساپاسىنا, ءتۇرلى مادەني-سپورتتىق جارىستار مەن تانىمدىق ويىندارعا, كورىكتى جەرلەرگە, تابيعا اياسىنا سەرۋەندەۋگە, قاۋىپسىزدىك شارالارىنا باسا نازار اۋدارىلادى», دەيدى ءبىلىم باسقارماسىنىڭ ءبولىم جەتەكشىسى اناتولي تاراحتۋن.
ماعجان جۇماباەۆ اۋدانىنداعى «اق قايىڭ» ساۋىقتىرۋ لاگەرى 5 اۋىسىمدا جۇمىس ىستەپ, 550 بالاعا قىزمەت ەتپەك. ونىڭ ديرەكتورى مۇرات ورتامىشەۆتىڭ ايتۋىنا قاراعاندا بيىل قابىلداناتىن 550 وقۋشىنىڭ 300-گە جۋىعىنىڭ الەۋمەتتىك جاعدايى تومەن. لاگەردە بارلىق جاعداي جاسالعان. كارۋسەل, كلۋب, مونشا, ەكى باسسەين, تەننيس ورتالىعى جۇمىس ىستەيتىن بولادى.
ءومىر ەسقالي, «ەگەمەن قازاقستان»