استانادا جاڭا مەشىت اشىلدى

ىرىسكەلدى قاجى مەشىتىنىڭ اشىلاۋ سالتاناتىندا ءسوز سويلەگەن دىن ىستەر جانە ازاماتتىق قوعام ءمينسيترى دارحان كالەتاەۆ قالاعا كۋلتتى نىسانداردىڭ قاجەت ەكەنىن ايتا كەلە, جاڭا مەشىتتىڭ ءستيلى ەرەكشە ەكەنىن اتاپ ءوتتى. "جاڭا مەشىتتىڭ ەڭ باستى ەرەكشەلىگى - جاسىل تەحنولوگيا. مەشىت كۇن ساۋلەسى ارقىلى جۇمىس ىستەيدى, ءوزىن-ءوزى جارىقپەن قامتىپ, قالاعا دا ەلەكتروەنەرگياسىن بەرە الادى. ول ءوزىن-ءوزى تولىقتاي قامتاماسىز ەتەدى", - دەدى مينيستر. ونىڭ ايتۋىنشا, مەشىت ءديزاينى دىن قاعيدالارىن بۇزبايدى. زاماناۋي ستيلدە سالىنعان مەشىت ۇلتتىق ناقىشتاعى ويۋ-ورنەكتەرمەن بەزەندىرىلىپ, وزىق ۇلگىدەگى قۇرالدارمەن جابدىقتالعان.

ايتا كەتۋ كەرەك, قازاقستاندا 2600 مەشىت بار, ال جاڭا مەشىت استانادا توعىزىنشىسى. مەشىت كۇمبەزىنىڭ ديامەترى - 26 مەتر. مەشىت عيماراتىنىڭ جالپى الاڭى 2248 شارشى مەتر. مەشىت ورنالاسقان جەردىڭ كولەمى - 1,44 گەكتار. مەشىت اۋلاسىنا جىلۋ-جارىق كوزىن پايدالانۋ ماقساتىندا كۇننەن ەنەرگيا الاتىن قوندىرعىلار ورناتىلعان. بۇل قوندىرعىلار مەشىتتىڭ جىلۋ-جارىعىنا پايدالاناتىن مولشەردەن ءۇش ەسە كوپ قوسىمشا ەنەرگيا قۋاتىن وندىرەدى.