مەرەيتويلىق ماركا شىقتى

كەشە بايلانىس جانە اقپارات مينيسترلىگىندە ەل تاۋەلسىز­دى­گى­نىڭ 20 جىلدىق مەرەكەسىنە ارنالعان مەرەيتويلىق پوشتا مار­كا­سىن اينالىمعا ەنگىزۋدىڭ سالتاناتتى ءراسىمى بولدى. وعان باي­لانىس جانە اقپارات ءمينيسترى اسقار جۇماعاليەۆ پەن «قاز­پوش­تا» اق باسقارما توراعاسى اركەن ارىستانوۆ قاتىستى. «مەرەيتويلار, ۇمىتىلماس جانە مەيرام كۇندەرى» سەريا­سى­نىڭ كوركەم ماركاسى تاۋەل­سىز­دىگىمىزدىڭ 20 جىلدىعىنا ار­نال­عان. ماركادا مەرەيتويدى مەرەكەلەۋ لوگوتيپى بەينەلەنگەن. اتاۋلى باعاسى – 32 تەڭگە, كولەمى 28 ح 30 مم., تا­را­لىمى – 30 000 دانا. سونداي-اق مار­كالاردىڭ شەتكى ادىپتەرى تا­راق­تالىپ, ءتورت ءتۇستى بوياۋمەن جانە وفسەتتىك تاسىلمەن باسىلعان. ال ءبىر پاراقتاعى ماركا سانى – 10 دانا. بەزەندىرگەن ن. سوكولوۆ. «قازپوشتا» اق ەلىمىز تا­ريحىن الەمنىڭ ەكى جۇزدەن اسا ەلىن­دە تاراتىلاتىن پوشتا مار­كالارىندا بەينەلەپ كورسەتۋدە. مەملەكەتىمىزدىڭ مەرەيتويىن مەرەكەلەۋ قارساڭىندا ۇلتتىق پوشتا وپەراتورى ەلوردادا وتكەن ەقىۇ ءسامميتى مەن ەۋرازيالىق ەكونوميكالىق قاۋىمداستىقتىڭ (ەۋرازەق), ەۋرازەق كەدەن وداعىنىڭ 10 جىلدىعىنا, شانحاي ىنتىماقتاستىق ۇيىمىنىڭ (شىۇ) قۇرىلۋى مەن ەلىمىزدىڭ وسى ۇيىمعا توراعالىق ەتكەنىنە 10 جىل تولۋى سىندى وزگە دە ايتۋلى مەرەكەلەرگە ارنايى ماركالار شىعارعان-دى. ەل ءتاۋ­ەلسىزدىگىنىڭ 20 جىلدىعىنا ار­نالعان ماركالار جاپسىرىلعان كونۆەرتتەر پوشتا بولىمشەلەرىنە ءتۇسىپ, رەسپۋبليكاعا جانە ەلىمىزدەن تىس جەرلەرگە جىبەرىلۋدە. ۇلتتىق پوشتا وپەراتورى وتا­نىمىزدىڭ مەملەكەتتىگى مەن تۇتاستىعىن جانە ەكونوميكاسىن دامىتۋعا زور ۇلەس قوسىپ كەلەدى. سونىمەن بىرگە «قازپوشتا» بۇگىندە پوشتا, لوگيستيكا جانە قارجى قىزمەتتەرىنىڭ كەڭ اۋقىم­دى تۇرلەرىن كورسەتەتىن كوپ ات­قارىمدى كاسىپورىن بولىپ تا­بىلادى. ءابدىراحمان قىدىربەك.