قۇتتىقتاۋ جەدەلحاتىن جولدادى

مەملەكەت باسشىسى نۇرسۇلتان نازارباەۆ رەسەي فەدەراتسياسىنىڭ پرەزيدەنتى دميتري مەد­ۆەدەۆكە «ەدينايا روسسيا» پارتياسىنىڭ رەسەي فەدەراتسياسىنىڭ مەملەكەتتىك دۋما­سى­نا سايلاۋداعى سەنىمدى جەڭىسىنە بايلانىستى قۇت­تىقتاۋ جەدەلحاتىن جولدادى, دەپ حابار­لا­دى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. «بولىپ وتكەن سايلاۋ ەلدە جۇرگىزىلىپ وتىرعان الەۋمەتتىك, ەكونوميكالىق, ساياسي جاڭعىرتۋ باعى­تىن كەڭ كولەمدەگى قوعامدىق قولداۋدى كورسەتتى. سايلاۋدىڭ قورىتىندىلارى ءبىزدىڭ ەلدەرىمىز ارا­سىن­داعى تاتۋ كورشىلەستىك ءداستۇرى مەن ءوزارا ءتيىمدى سەرىكتەستىك قارىم-قاتىناستاردى نىعايتۋعا ءمۇم­كىن­دىك تۋعىزادى دەپ سەنەمىن. سىزگە ەلدى ودان ءارى جاڭ­عىرتۋ جونىندە بەلگىلەنگەن مىندەتتەردى ىسكە اسىرۋدا ۇلكەن تابىستار تىلەيمىن», دەلىنگەن جەدەلحاتتا.

*  *  *

مەملەكەت باسشىسى نۇرسۇلتان نازارباەۆ رەسەي فەدەراتسياسىنىڭ پرەمەر-ءمينيسترى ۆلا­ديمير پۋتينگە «ەدينايا روسسيا» پارتيا­سى­نىڭ رەسەي فەدەراتسياسىنىڭ مەملەكەتتىك دۋماسىنا سايلاۋداعى سەنىمدى جەڭىسىنە باي­لانىستى قۇتتىقتاۋ جەدەلحاتىن جولدادى, دەپ حابارلادى قازاقستان رەسپۋبليكاسى پرەزي­دەنتىنىڭ ءباسپاسوز قىزمەتى. «سايلاۋ «ەدينايا روسسيانىڭ» ەلدىڭ قوعامدىق-ساياسي ومىرىندەگى جەتەكشى ءرولىنىڭ جارقىن دالەلىنە اينالدى. «ەدينايا روسسيا» پارتياسى رەسەي فەدەرا­تسياسىنىڭ بەلگىلەنگەن الەۋمەتتىك-ەكونوميكالىق رەفورمالار جولى بويىنشا ودان ءارى قارقىندى العا جىلجۋىن قامتاماسىز ەتە الادى دەپ سەنەمىن. ءبىز قازاقستان-رەسەي ىنتىماقتاستىعىن دامىتۋداعى, ءبىز­دىڭ حالىقتارىمىز اراسىنداعى دوستىقتى نىعاي­تۋداعى ءسىزدىڭ جەكە ۇلەسىڭىزدى جوعارى باعالايمىز», دەلىنگەن جەدەلحاتتا. نۇرسۇلتان نازارباەۆ ۆلاديمير پۋتينگە زور دەنساۋلىق, جان سەرگەكتىگىن, مەملەكەتتىك جانە قوعامدىق قىزمەتىندە ودان ءارى تابىستار تىلەگەن.