ماڭىزدى مىندەت مەجەسى

كوكشەتاۋدا جەر قاتى­ناس­تارى جانە جەرگە ورنالاستىرۋ ماسەلەلەرى جونىندە ايماقتىق جينالىس ءوتتى. جيىندا اقمولا وبلىسى اكىمىنىڭ ءبىرىنشى ورىنباسارى ق.وتاروۆ ءوڭىر­ارا­لىق جۇمىس­تارعا شولۋ بايان جاساسا, جەر رەسۋرستارىن باسقارۋ اگەنت­تىگىنىڭ جەر رەسۋرستارى جانە جەرگە ورنالاستىرۋ مەملەكەتتىك عىلىمي-وندىرىستىك رمك باس دي­رەكتورى ءا.بەگمانوۆ ەل ءتا­ۋەل­سىز­دىگى تالاپ­تارىنداعى ما­­ڭىزدى مىندەتتەرگە قاتىستى اقپاراتتارمەن ءبولىستى. جەر قاتىناستارى مەم­لەكە­تىمىزدىڭ باسىم باعىتتاعى سايا­ساتى سانالادى. بۇل تۇر­عىدا اتقارىلعان ابىرويلى ىستەر از ەمەس. ايتكەنمەن, قا­زاقستان­نىڭ ۇدەمەلى دامۋ ءۇر­دىستەرى اتال­عان ماسە­لە­نىڭ باس­تى نازاردا ۇستالىپ, جەتىلدىرە ءتۇ­سۋدى تالاپ ەتەتىنى بەلگىلى. وسى جايلى رمك قۇقىقتىق قام­تاماسىز ەتۋ جانە مەملەكەتتىك ساتىپ الۋ باسقارما­سى­نىڭ  باس­تىعى ن.سالىبەكوۆ, اق­مولا وبلىس­تىق جەر قاتى­ناستارى باسقار­ماسىنىڭ باس­تىعى ە.احمەتوۆ, اقمولا, قا­را­عان­دى وب­لىستارى جانە استانا قالاسى بوي­ىنشا ءوڭىر­ارالىق جەر ينس­پەكتسياسى باس­تىعىنىڭ ورىن­باسارى ا.قادىر­الي­نا, اق­مولا وبلىسى بويىنشا سا­لىق دە­پارتامەن­تىنىڭ باستىعى د.نۇرمولدين, وبلىستىق ساۋلەت جانە قالا قۇرىلىسى باس­قار­ماسىنىڭ باس­تىعى ۆ.فەلبەلت ءوز ويلا­رىن ورتاعا سالدى. بۇگىنگى كۇنى اقمولا وبلى­سىنىڭ اۋ­ماعىنان وتەتىن «با­تىس ءسىبىر-ورتالىق» گاز قۇبى­رى­نىڭ قۇرىلىسىنا تەحني­كا­لىق-ەكونوميكالىق تۇرعىدان كو­مەك كورسەتۋ اياسىندا استانا, پەتروپاۆل, قاراعاندى قا­لالا­رىن قامتيتىن ماگيس­ترال­دى گاز جەلىسىنىڭ جۇمىس جوس­پارى كەلىسىلدى. بۇعان قوسا «كوكشەتاۋ-پەت­روپاۆل» اۆ­تو­كولىك جولىن اياقتاۋ, استانا قا­لاسىنىڭ جا­سىل جەلەك اي­ماعىن كەڭەيتۋ, «بۋراباي», «بۇي­راتاۋ» مەملەكەتتىك ۇلت­تىق تابيعات پاركتەرى مەن «قور­عال­جىن» مەملەكەتتىك قورى­عى­نىڭ قورعانىس اۋماعىن جانە جەر پايدالانۋ شەكارا­لا­رىن بەلگىلەۋ ماسەلەلەرى تال­قى­لانىپ, جۇمىس ساپاسىن ارتتى­رۋعا قا­تىس­تى تاپسىرمالار بەرىلدى. ءا.بەگمانوۆ اقمولا وب­لىس­­تىق مەملەكەتتىك جەرگە ورنا­لاستىرۋ ينستيتۋ­تىنىڭ ديرەك­تورى ق.رىسقۇلوۆقا جا­ڭا قىز­مەتىندە تابىس تىلەدى. باقبەرگەن امالبەك. اقمولا وبلىسى.