قاۋىمداستىق قۇرىلدى

ەلىمىز تاۋەلسىزدىگىنىڭ 20 جىل­­­­­دىعى قارساڭىندا سپورت تا­قى­رىبىن جازاتىن جۋرناليستەر ارا­سىندا ماڭىزدى وقيعا بول­دى. 4 جەلتوقسان كۇنى استانادا سپورت سالاسىنا قالام تار­تاتىن ءارىپ­تەستەرىمىز اراسىندا وتكەن باس­قوسۋدا تۋريزم جانە سپورت مينيس­ترلىگىنىڭ قول­دا­ۋى­مەن قا­زاقستان سپورت جۋرنا­ليس­­تە­رىنىڭ قاۋىم­داس­تىعى قۇرىلدى. بۇل ماسەلە بيىلعى جىلدىڭ تامىز ايىندا وتكەن ءى سپورت فورۋمى كەزىندە كوتەرىلگەن ەدى. سول كەزدە سپورت جۋرناليستەرىنىڭ قاۋىمداستىعىن قۇرۋ ءۇشىن باس­تاماشى توپ تا جاساقتالعان بو­لاتىن. ەندى, مىنە, سول توپتىڭ باس­تاماسىمەن ەلىمىزدە قازاقستان سپورت جۋرناليستەرىنىڭ قاۋىم­داس­تىعى قۇرىلىپ وتىر. وسى باسقوسۋدا قاۋىمداستىقتىڭ ەرەجەسى مەن قىزمەتى قارالىپ,  ماق­ساتى مەن مىندەتى بەلگىلەندى جانە ونىڭ توراعاسى مەن اتقارۋشى كوميتەتىنىڭ مۇشەلەرى سايلاندى.  ءسويتىپ, قاۋىمداستىق مۇشەلەرى قازاق جانە ورىس ءتىلدى «Sport» جانە «سپورت» گازەت­تە­رىنىڭ ديرەك­تورى-باس رەداكتورى نەسىپ ءجۇ­نىسباەۆقا داۋىستارىن بەرىپ, ونى ءبىراۋىزدان قاۋىمداس­تىقتىڭ توراعاسى ەتىپ سايلادى. قازىر قازاقستان سپورت جۋرنا­ليستەرىنىڭ قاۋىمداستىعى تۋريزم جانە سپورت مينيسترلىگىمەن بىرىگىپ جۇمىس ىستەۋگە كىرىسىپ كەتتى. وسى رەتتە قاۋىمداستىق مۇشەلەرى سپورت جۋرناليستەرىمەن بايلانىس ورناتىپ, ولارعا قولداۋ كورسەتىپ وتىرعان مينيسترلىكتىڭ باسشىلى­عىنا, ونىڭ ىشىندە قاۋىمداس­تىقتى قۇرۋعا اتسالىسقان ازامات, سپورت ىستەرى كوميتەتىنىڭ توراعاسى ەلسيار قاناعاتوۆقا العىسىن بىلدىرەدى. داستان كەنجالين.