استاناداعى نازارباەۆ ۋنيۆەرسيتەتىندە ەلىمىز تاۋەلسىزدىگىنىڭ 20 جىلدىعىنا وراي ستۋدەنتتەر اراسىندا پىكىرسايىس بولىپ ءوتتى. وعان قالانىڭ بارلىق جوعارى وقۋ ورىندارىنىڭ ستۋدەنتتەرى قاتىسىپ, ساياسي ءجانە ەكونوميكالىق, مادەني, تاريحي جانە باسقا دا تاقىرىپتار بويىنشا وي جارىستىردى.
پىكىرسايىس ەكى ليگا بولىپ ءوتكىزىلدى. ءبىرىنشىسى – اعىلشىن, ەكىنشىسى – ورىس ليگاسىنا قاتىسقان ستۋدەنتتەر اراسىندا نازارباەۆ ۋنيۆەرسيتەتى مەن ل.ن.گۋميلەۆ اتىنداعى ەۇۋ-ءدىڭ وكىلدەرى باس ءجۇلدەنى جەڭىپ الدى. ال پىكىرسايىستىڭ ەڭ ۇزدىك سپيكەرى بولىپ نازارباەۆ ۋنيۆەرسيتەتىنىڭ ستۋدەنتى ءجاميلا جاقسىباەۆا اتاندى. سونداي-اق, ول اعىلشىن ليگاسىندا وزىمەن بىرگە وقيتىن قوعام جانە عىلىم مەكتەبىنىڭ 1-كۋرس ستۋدەنتى الىبەك نۇركەشپەن بىرگە ءبىرىنشى ورىندى جەڭىپ الدى. ال ورىس ليگاسىندا ەۋرازيا ۋنيۆەرسيتەتىنىڭ ستۋدەنتى باقتيار سۋلفين ءبىرىنشى ورىنعا يە بولدى.
قازىر جارىستار اعىلشىن ءجانە ورىس تىلدەرىندە ءوتىپ جاتقانىمەن, بولاشاقتا قازاق ليگاسىن قۇرۋ جوسپارلانۋدا. ول ءىستى ءجۇزەگە اسىرۋعا قازاق ستۋدەنتتەرىنىڭ توبى اتسالىسۋدا.
داستان كەنجالين.