كەشە «نۇر وتان» حالىقتىق-دەموكراتيالىق پارتياسى ءتوراعاسىنىڭ ءبىرىنشى ورىنباسارى نۇرلان نىعماتۋلين قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆقا «حالىق قاھارمانى» اتاعىن بەرۋ جونىندەگى باستاماعا تۇسىنىكتەمە بەردى:
«تاۋەلسىز قازاقستاننىڭ 20 جىلدىق تاريحىندا ەلىمىزدى قيىن-قىستاۋ كەزەڭنەن شىعارىپ, بيىك اسۋلارعا جەتكىزگەن ۇلى تۇلعامىز – ول, ءارينە, ءبىزدىڭ تۇڭعىش پرەزيدەنتىمىز نۇرسۇلتان ءابىش ۇلى نازارباەۆ.
تىكەلەي ەلباسىنىڭ ەرەن ەڭبەگىنىڭ, ەلباسىنىڭ ەرلىگىنىڭ, ساليقالى ساياساتىنىڭ ارقاسىندا ءبىز كوپتەگەن قيىندىقتاردى جەڭىپ, بۇكىل الەم تانىعان ابىرويلى مەملەكەتكە اينالدىق. سوندىقتان نۇرسۇلتان ءابىش ۇلى ءبىزدىڭ حالقىمىز ءۇشىن بۇرىننان دا حالىق قاھارمانى جانە ارقاشاندا ەلى قولدايتىن ەرەكشە تۇلعا ەكەنى ءسوزسىز», دەدى ن.نىعماتۋلين.
«ەگەمەن-اقپارات».