اقپارات جانە كوممۋنيكاتسيالار مينيسترلىگى Telegram مەسسەندجەرىنىڭ بۇعاتتالۋىنا مۇددەلى ەمەس. بۇل تۋرالى ۆەدومستۆو باسشىسى داۋرەن اباەۆ مالىمدەدى, دەپ حابارلايدى tengrinews.kz.
"اقپارات جانە كوممۋنيكاتسيالار مينيسترلىگى سوتتىڭ شەشىمىن ورىنداۋ ءۇشىن بارلىق قاجەتتى شارانى قابىلداۋعا مىندەتتى. وسىعان بايلانىستى Telegram اكىمشىلىگىنە حابارلامالار جىبەرىلدى. وسى باعىتتا جۇمىس ىستەپ جاتىرمىز. قازاقستاندا Telegram سياقتى تانىمالدىلىققا يە بولىپ جاتقان مەسسەندجەردىڭ بۇعاتتالۋىنا مۇددەلى ەمەسپىز", - دەدى مينيستر داۋرەن اباەۆ.
وسىعان دەيىن "قازاقستاننىڭ دەموكراتيالىق تاڭداۋى" قوزعالىسىنىڭ ماتەريالدارىن وشىرىلمەسە ەلىمىزدە Telegram مەسسەندجەرى بۇعاتتالۋى مۇمكىن ەكەنى ايتىلعان.