باس پروكۋراتۋرا ميللياردتاعان قارجى ۇرلادى دەگەن كۇدىكپەن «Samsung Electronics» كومپانياسىنىڭ بۇرىنعى قىزمەتكەرىن اقش-تان قازاقستانعا قايتارۋ بويىنشا شارالار قابىلدادى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى.
اتالعان كومپانيانىڭ بۇرىنعى قىزمەتكەرى ت.ج. ناۋرىزباەۆتى ەلگەن قايتارۋ قازاقستان رەسپۋبليكاسىنىڭ باس پروكۋراتۋراسى مەن اقش ادىلەت دەپارتامەنتىنىڭ تەرگەۋ فەدەرالدى بيۋروسى اراسىنداعى ىنتىماقتاستىعىنىڭ ناتيجەسىندە مۇمكىن بولدى. ت.ج.ناۋرىزباەۆ 4 ملن. استام دوللاردى قولدى قىلعان.
تاراپتاردىڭ ۇيلەسىمدى جۇمىسىنىڭ ارقاسىندا جابىرلەنۋشى كومپانياعا قاراجاتىنىڭ كوپ بولىگى (2,7 ملن اقش دوللار) ءوندىرىلدى.
وتكەن جىلدىڭ سوڭىندا ناۋرىزباەۆ قازاقستانعا اقش-تان دەپورتاتسيالاندى.
ول بيىلعى جىلدىڭ اقپان ايىندا مەدەۋ اۋداندىق سوتتىڭ ۇكىمىمەن قىلمىستىق كودەكستىڭ 190-بابىنىڭ 4-بولىگى 2-تارماعىمەن كىنالى دەپ تانىلىپ, 5 جىلعا باس بوستاندىعىنان ايىرىلدى.