«اقمەشىت» فولكلورلىق ءانسامبلى لوندوندا وتكەن ناۋرىز تويىنا قاتىستى. مەرەكەلىك شارا 2018 جىلدىڭ 7 ساۋىرىندە «Victoria Embankment Gardens» ساياباعىندا ۇيىمداستىرىلدى.
شارا قازاقستاننىڭ ۇلىبريتانياداعى ەلشىلىگىنىڭ ۇيىمداستىرۋىمەن ءوتتى.
شاراعا قازاقستان رەسپۋبليكاسىنىڭ ۇلىبريتانيا جانە سولتۇستىك يرلانديا قۇراما كورولدىگىندەگى توتەنشە جانە وكىلەتتى ەلشىسى ەرلان ىدىرىسوۆ قاتىسىپ, مەرەكەمەن قۇتتىقتادى.
سىر ەلىنەن ارنايى بارعان ونەرپازدار لوندوندىقتار ءۇشىن ەكى بىردەي كونتسەرت قويىپ, ونەرلەرىن پاش ەتتى.
"اقمەشىت" ءانسامبلىنىڭ كونتسەرتتىك باعدارلاماسى كورەرمەندەردى ءتۇرلى جانرداعى مۋزىكالىق شىعارمالارمەن سۋسىنداتتى. انسامبل ونەرپازدارى داۋلەتكەرەيدىڭ "كورۇعلى", ىقىلاستىڭ "جەزكيىك", حالىق كۇيى "ەل ايرىلعان" سىندى شىعارمالار مەن الەمدىك كلاسسيكالىق تۋىندىلاردى ورىنداپ, ال, ۇجىمنىڭ جەكە ورىنداۋشىلارى جىر-تەرمەدەن شاشۋ شاشتى.
"ونەرپازدارىمىزدىڭ بىرەگەي ونەرى ارقىلى ءبىز ۇلتتىق ونەردى دارىپتەيمىز", - دەپ اتاپ ءوتتى فيلارمونيا ديرەكتورى تالعات ماقاشەۆ.
"اقمەشىت" فولكلورلىق ءانسامبلى سىر بويىنىڭ ءتولتۋما ونەرىن, قازاق ۇلتتىق فولكلورىن ناسيحاتتاۋ ماقساتىندا 2009 جىلى وبلىستىق فيلارمونيا جانىنان قۇرىلدى. 1972 جىلى اشىلعان وبلىستىق فيلارمونيادا 7 شىعارماشىلىق ۇجىم جۇمىس جاسايدى, ونىڭ ءبىرى - "اقمەشىت" ءانسامبلى.
انسامبل رەپەرتۋارىندا 100-دەن استام قازاق كۇيلەرى مەن زاماناۋي وڭدەلگەن شىعارمالار بار.
"اقمەشىت» فولكلورلىق ءانسامبلىنىڭ قۇرامىندا 12 ونەرپاز بار. ولار رەسپۋبليكالىق, حالىقارالىق كونكۋرستار مەن فەستيۆالدەردە جەڭىمپاز اتانىپ ءجۇر.
اتاپ ءوتۋ كەرەك, سوڭعى جىلدارى وبلىس باسشىلىعىنىڭ قولداۋىمەن انسامبل ونەرپازدارى وزبەكستان, رەسەي, تۇركيا جانە ەلدەرىنە گاسترولدىك ساپارلاردا بولدى.