قر پرەزيدەنتى اكىمشىلىگىنىڭ كەلىسىمىمەن جانە وڭتۇستىك قازاقستان وبلىسى اكىمى جانسەيىت تۇيمەباەۆتىڭ وكىمىمەن وبلىس اكىمىنىڭ ورىنباسارى بولىپ ەربول قۋانىش ۇلى تاسجۇرەكوۆ تاعايىندالدى. بۇگىن ءوڭىر باسشىسى جاڭا وبلىس اكىمىنىڭ ورىنباسارىن اكىم اپپاراتىنا تانىستىردى. بۇل تۋرالى وبلىس اكىمدىگىنىڭ ءباسپاسوز قىزمەتى حابارلادى.
«وبلىس اكىمىنىڭ ورىنباسارى باۋىرجان سالدار ۇلى جامالوۆ باسقا جۇمىسقا اۋىسۋىنا بايلانىستى, بۇگىن وبلىس اكىمىنىڭ ورىنباسارى لاۋازىمىنا ەربول قۋانىش ۇلى تاسجۇرەكوۆ تاعايىندالىپ وتىر. ال, باۋىرجان سالدار ۇلى وزىنە جۇكتەلگەن سالاعا جەتەكشىلىك ەتۋ بارىسىندا بىرقاتار جاقسى باستامالار, وڭ وزگەرىستەر ەنگىزدى, ولار الداعى ۋاقىتتا جالعاسىن تاباتىن بولادى. ءوز اتىمنان جانە ارىپتەستەرىمنىڭ اتىنان العىس بىلدىرەمىن. ەندى ەربول قۋانىش ۇلى وسى باعىتتاعى جۇمىستاردى جالعاستىرا وتىرىپ, ءوزىنىڭ بىلىكتىلىگى مەن ىسكەرلىگىن دالەلدەپ ءوڭىر ەكونوميكاسىنىڭ دامۋىنا ۇلەسىن قوسادى دەپ سەنىم بىلدىرەمىن», دەدى ج.تۇيمەباەۆ.
ەربول قۋانىش ۇلى 1979 جىلى جامبىل وبلىسىندا دۇنيەگە كەلگەن. ءبىلىمى جوعارى, ماماندىعى بويىنشا بىلىكتىلىگى - ەكونوميست, زاڭگەر, مەملەكەتتىك جانە جەرگىلىكتى باسقارۋ ماگيسترى. ول م.ح. دۋلاتي اتىنداعى تاراز مەملەكەتتىك ۋنيۆەرسيتەتىنىڭ, ق.ا. ياسساۋي اتىنداعى حالىقارالىق كازاق-تۇرىك ۋنيۆەرسيتەتىنىڭ, قر پرەزيدەنتى جانىنداعى مەملەكەتتىك باسقارۋ اكادەمياسىنىڭ تۇلەگى بولىپ تابىلادى. سونىمەن قاتار, «بولاشاق» حالىقارالىق باعدارلاماسىنىڭ ستيپەندياتى, فرانتسيا رەسپۋبليكاسىنىڭ ۇلتتىق اكىمشىلىكتەندىرۋ مەكتەبىن بىتىرگەن.
ە.تاسجۇرەكوۆ 1998-2001 جىلدارى «قازنۇر» جاۋاپكەرشىلىگى شەكتەۋلى سەرىكتەستىگىنىڭ مەنەدجەرى رەتىندە ەڭبەك جولىن باستاپ, كەيىن «سەدانكو-قازاقستان» جاۋاپكەرشىلىگى شەكتەۋلى سەرىكتەستىگى باس ديرەكتورىنىڭ ورىنباسارى, «پروفيل-Lux» جاۋاپكەرشىلىگى شەكتەۋلى سەرىكتەستىگىنىڭ ديرەكتورى بولىپ ەڭبەك ەتكەن.
2007-2013 جىلدارى استانا قالاسىنىڭ №2 الماتى اۋداندىق سوتىنىڭ مامانى, استانا قالالىق سوتىنىڭ باس مامانى, استانا قالاسى سوتىنىڭ كەڭسە مەڭگەرۋشىسى لاۋازىمدارىندا بولعان.
2013-2016 جىلدارى قر وڭىرلىك دامىتۋ مينيسترلىگى كاسىپكەرلىك ساياساتىن دامىتۋ دەپارتامەنتى باسقارماسىنىڭ باسشىسى, وڭىرلەردى مونيتورينگىلەۋ جانە باعالاۋ دەپارتامەنتى باسقارماسىنىڭ باسشىسى, ۇلتتىق ەكونوميكا مينيسترلىگىنىڭ وڭىرارالىق ىنتىماقتاستىق, تالداۋ جانە وڭىرلەردى باعالاۋ دەپارتامەنتى ديرەكتورىنىڭ ورىنباسارى قىزمەتىن اتقارعان.
2016 جىلدىڭ قاراشا ايىنان باستاپ بۇگىنگى كۇنگە دەيىن قر ينۆەستيتسيالار جانە دامۋ مينيسترلىگىنىڭ ينۆەستيتسيالار جونىندەگى كوميتەتى توراعاسىنىڭ ورىنباسارى لاۋازىمىندا ەڭبەك ەتىپ كەلگەن.