بۇگىندە «ديپلوممەن – اۋىلعا!» باعدارلاماسىمەن اۋىلعا باراتىن جاس ماماندار قاتارى از ەمەس. بىراق مەملەكەتتەن الاتىن ءبىر رەت بەرىلەتىن جاردەماقى كومەگىنە ءۇي ساتىپ الا المايدى, ويتكەنى قارجى جەتپەيدى. مامانداردىڭ اۋىلعا تۇراقتاماۋىنىڭ باستى سەبەبىنىڭ ءبىرى وسى.
ء«بىز ۇلتتىق ەكونوميكا مينيسترلىگىنە باعدارلاماعا قاتىسۋشىلار ءۇشىن ءبىر رەت بەرىلەتىن جاردەماقىنىڭ كولەمىن 70 اەك-دەن 200 اەك دەيىن كوتەرۋدى, ءۇي الۋ نەمەسە ءۇي سالىپ الۋ ءۇشىن بەرىلەتىن بيۋدجەتتىك نەسيەنىڭ كولەمىن 1500 اەك-نەن 1700 اەك دەيىن كوتەرۋگە ۇسىنىس جولدادىق» دەدى وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى باقىتبەك ەسەنعۇلوۆ.
سونىمەن قاتار ۇسىنىستا اۋىلعا باراتىن ماماندار, ياعني باعدارلاماعا قاتىسۋشىلار ءتىزىمىن كوبەيتۋدى دە ۇسىندى. ويتكەنى اۋىلدا تەك مۇعالىم مەن دارىگەر, ۆەتەرينار عانا ەمەس, ەكونوميستەر, زاڭگەرلەر, بۋحگالتەرلەر دە جەتىسپەيدى.
2009 جىل مەن 2017 جىل اراسىندا وبلىستا 4336 جاس مامان باعدارلاماعا قاتىسقان. ولارعا بيۋدجەتتەن 4,3 ملرد تەڭگە قارجى جۇمسالعان. وسى جىلدار ىشىندە 793 مامان كەلىسىمدى مەرزىمنەن بۇرىن بۇزعان.
ءنازيرا جارىمبەت
«ەگەمەن قازاقستان»
قوستاناي