قاراعاندى وبلىسىنىڭ اكىمى ەرلان قوشانوۆ تىكۇشاققا ءمىنىپ, سۋ تاسقىنى قاۋپى بار اۋماقتاردى اۋەدەن شولىپ ءوتتى. اتاپ ايتقاندا, اۆيامارشرۋت بۇقار جىراۋ, قارقارالى, شەت جانە اباي اۋداندارىن قامتىدى. تاسقىن قاۋپى بار دەگەن سامارقان, شەرۋباي-نۇرا, ىنتىماق, جارتاس جانە اششىسۋ سۋ قويمالارى مەن نۇرا, شەرۋباي-نۇرا, اششىسۋ, ماتاق جانە جارلى وزەندەرىنىڭ ارنالارىنا شولۋ جاسالدى.
وتكەن جىلدارمەن سالىستىرعاندا, بيىل قار سۋىنىڭ كولەمى تومەنىرەك. اۋەدەن باقىلاۋ بارىسىندا وزەندەردەگى سۋ دەڭگەيىنىڭ تومەندەگەنى بايقالادى, سۋدىڭ ارنادان اسىپ كەتۋ قاۋپى ازىرگە جوق دەگەندى ايتادى ماماندار.
قازىرگى تاڭدا سامارقان سۋ قويماسىنان 15 م³/س, ىنتىماق سۋ قويماسىنان 20 م³/س كولەمىندە سۋ جىبەرىلۋدە. ءىرى سۋ قويمالارىنان ۋاقىتىندا سۋ جىبەرىپ وتىرۋ شاراسى وزەندەردىڭ ارناسىن شايىپ وتۋگە, سونداي-اق سۋ قويمالارىندا ەرىگەن قار سۋىن سىيدىراتىن بوس ورىن دايىنداۋعا مۇمكىندىك بەردى.
580 شاقىرىمنان استام قاشىقتىقتى قۇراعان اۆياشولۋ بارىسىندا تىكۇشاق ىشىندە ءوڭىر باسشىسىمەن بىرگە وبلىستىق تجد باستىعى ىبراحىم كۇلشىمباەۆ, اتالعان اۋدانداردىڭ اكىمدەرى, مەملەكتتىك ورگان جەتەكشىلەرى بولدى.
ايماقتاعى سۋ تاسقىنىنا قاتىستى جاعداي قالىپتى جانە ۇنەمى باقىلاۋدا. ارنايى قۇرىلعان جەدەل شتاب جاعدايدى ۋىسىندا ۇستاپ وتىر.
قايرات ءابىلدا,
«ەگەمەن قازاقستان»
قاراعاندى