اقش ديپلوماتيالىق ميسسياسى باسشىسىنىڭ ورىنباسارى دجون مارك پوممەرشايم سولتۇستىك قازاقستان وبلىسىنا ەكى كۇندىك جۇمىس ساپارىمەن كەلدى.
ءوڭىر باسشىسى قۇمار اقساقالوۆ پەن دجون مارك پوممەرشايم اراسىندا وتكەن كەزدەسۋدە ەكىجاقتى ىنتىماقتاستىقتى دامىتۋدىڭ قارىشتى قادامدارى جان-جاقتى اڭگىمەلەندى. قۇمار ىرگەباي ۇلى ءوز سوزىندە ەلباسىنىڭ اقش-قا جاساعان تاريحي ساپارى ەكى ەلدىڭ قارىم-قاتىناسىنا ەرەكشە سەرپىن بەرگەنىن اتاپ ءوتتى. قازىر ەلىمىزدە 300 امەريكاندىق كومپانيا جۇمىس ىستەيدى, ولار ەكونوميكاعا 50 ميلليارد دوللار ينۆەستيتسيا قۇيعان.
ء«بىزدىڭ ءوڭىر ازىرشە امەريكاندىق كومپانيالارمەن تىكەلەي جۇمىس ىستەي قويعان جوق.ءى. دەسەك تە اقش كومپانيالارىمەن بايلانىس ورناتامىز دەگەن ۇمىتتەمىز. اسىرەسە, ماشينا جاساۋ سالاسىندا ۇزاق مەرزىمدى كەلىسىمدەرگە قول قويۋعا بولادى. پەتروپاۆلداعى 20 شاقتى عيماراتتى ينۆەستورلارعا بەرۋگە دايىنبىز», دەدى ق. اقساقالوۆ.
«اقش قازاقستانداعى ەڭ ءىرى ينۆەستور بولىپ تابىلادى. اۋىل شارۋاشىلىعى سالاسىندا بەلسەندى جۇمىس اتقارىپ كەلەمىز. ماعان وڭىلەرىڭىز قاتتى ۇنادى. اسەم تابيعاتىمەن قوسا قولعا الىنىپ جاتقان يننوۆاتسيالىق باعدارلاماار قاتتى قىزىقتىرادى», دەپ اتاپ ءوتتى دجون مارك پوممەرشايم.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى