ەۋروپالىق وداق پەن قازاقستان اراسىنداعى ديپلوماتيالىق قاتىناستاردىڭ 25 جىلدىعىنا وراي قازاقستانداعى ەۋروپالىق وداق وكىلدىگى, قر اقپارات جانە كوممۋنيكاتسيالار مينيسترلىگىنىڭ قولداۋىمەن قازمەديا مەديامەكتەبىمەن بىرلەسە وتىرىپ, قازاقستاندىق جۋرناليستەرگە ارنالعان «ەۋرووداق – قازاقستان: ارىپتەستىك پەن ىنتىماقتاستىقتىڭ 25 جىلدىعى» اتتى كاسىبي حالىقارالىق تاعىلىمداماعا بايقاۋ جاريالايدى.
بايقاۋ ەۋروپالىق وداق پەن قازاقستان رەسپۋبليكاسى اراسىنداعى قاتىناستاردى كەڭەيتۋگە ءارى نىعايتۋعا, اشىق ديالوگ قالىپتاستىرۋعا جانە قازاقستان مەديا قاۋىمداستىعىندا ەۋروپالىق وداق تۋرالى حاباردارلىقتى جەتىلدىرۋگە باعىتتالعان.
بايقاۋ ناتيجەسىندە ەو ينستيتۋتتارى (ەۋروپالىق پارلامەنت, ەو كەڭەسى, ەۋروپالىق كوميسسيا, ەۋروپالىق سىرتقى ىستەر قىزمەتى) مەن بريۋسسەلدە مەديا پۋلدى زەردەلەۋ ءۇشىن ءبىر اپتالىق تانىستىرۋ تاعىلىمداماعا قاتىسۋعا 3 جەڭىمپاز ىرىكتەلەتىن بولادى. سونىمەن قاتار جەڭىمپازدار ەۋروپالىق كوميسسيانىڭ كۇندەلىكتى بريفينگتەرىنە قاتىسا الادى جانە ءىشىنارا ەو ينستيتۋتتارىنىڭ جۇمىس مەحانيزمدەرىمەن تانىسادى. سونداي-اق جەڭىمپازدار 2018 جىل بارىسىندا قازمەديا مەديامەكتەبىنىڭ ترەنينگتەرى مەن سەمينارلارىنا (حابار اگەنتتىگىنىڭ شەبەرحاناسى جوباسى) قاتىسۋ مۇمكىندىگىن الادى. تاعىلىمداما قورىتىندىلارى بويىنشا قاتىسۋشىعا ەو وكىلدىگىنىڭ, قر اكم جانە قازمەديا مەديامەكتەبىنىڭ اتىنان ۇسىنىس حات جانە سەرتيفيكات تاپسىرىلاتىن بولادى.
كونكۋرستىق ىرىكتەۋ كەزەڭدەرى:
2018 جىلعى 30 ساۋىرگە دەيىن وتىنىمدەردى قابىلداۋ ء(وتىنىمدى وسى جەردەن جۇكتەپ الۋعا بولادى). تالاپكەر تولتىرىلعان ءوتىنىمدى باردىق قوسىمشا فايلدارمەن جانە وعان سىلتەمەلەرمەن قوسا جولدايدى. بىلىكتى قازىلار القاسى مەن ۇيىمداستىرۋشى كوميتەتتىڭ تالاپكەرلەردى انىقتاۋى, تاعىلىمداماعا قويىلاتىن تالاپتارعا سايكەس 2018 جىلعى 18 مامىرعا دەيىن ستيپەنديالاردى تاعايىنداۋ. جەڭىمپازداردى بەكىتىلگەن باعدارلاما بويىنشا 2018 جىلعى ماۋسىمنىڭ اياعىنا دەيىن جىبەرۋ. تاعىلىمدامانىڭ ۇزاقتىعى جولدى قوسا ەسەپتەگەندە 1 اپتا.تاعىلىمداما تالاپكەرلەرىن ىرىكتەۋ بويىنشا بىلىكتى قازىلار القاسى:
اجيباەۆ الان عازيز ۇلى, قر اقپارات جانە كوممۋنيكاتسيالار ۆيتسە-ءمينيسترى ترايان حريستەا, ەلشى, قازاقستانداعى ەۋروپالىق وداق وكىلدىگىنىڭ باسشىسى ەرلىك قاراجان, «قازمەديا ورتالىعى» باسقارۋشى كومپانياسى» جشس باس ديرەكتورىنىڭ ستراتەگيالىق دامۋ جانە حالىقارالىق ىنتىماقتاستىق جونىندەگى ورىنباسارى ماحاببات ەسەن, مەديامەكتەپ ديرەكتورى, جۋرناليست, تەلە-راديو جۇرگىزۋشى ەلنارا باينازاروۆا, قازاقستانداعى ەۋروپالىق وداق وكىلدىگىنىڭ ءباسپاسوز حاتشىسى