2011 جىلعى 30 قاراشا, استانا, ۇكىمەت ءۇيى
«رەتتەلەتىن نارىقتارداعى باعانى بەلگىلەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 3 ناۋرىزداعى №238 قاۋلىسىنا وزگەرىس ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «رەتتەلەتىن نارىقتارداعى باعانى بەلگىلەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 3 ناۋرىزداعى №238 قاۋلىسىنا (قازاقستان رەسپۋبليكاسىنىڭ ءپۇاج-ى, 2009 ج., №13, 93-قۇجات) مىناداي وزگەرىس ەنگىزىلسىن:
كورسەتىلگەن قاۋلىمەن بەكىتىلگەن رەتتەلەتىن نارىقتارداعى باعانى بەلگىلەۋ ەرەجەسىندە:
8-تارماق مىناداي رەداكتسيادا جازىلسىن:
«8. باعالاردىڭ نەگىزدىلىگىن قاراعان كەزدە ۋاكىلەتتى ورگان:
جوسپارلانىپ وتىرعان باعا جوبالارىن سول تاۋار نارىعىندا نەمەسە سالىستىرمالى تاۋار نارىقتارىندا, ونىڭ ىشىندە قازاقستان رەسپۋبليكاسىنان تىس جەرلەردە باسقا سۋبەكتىلەر بەلگىلەگەن ۇقساس تاۋارلار (جۇمىستار, قىزمەتتەر) باعالارىمەن;
سۋبەكت قولداناتىن ءونىمنىڭ, تاۋارلاردىڭ (جۇمىستاردىڭ, قىزمەتتەردىڭ) ءبىر بىرلىگىن شىعارۋعا ارنالعان شيكىزات, ماتەريالدار, وتىن, ماتەريالدىق رەسۋرستار ەنەرگياسى شىعىسىنىڭ نورمالارىن جانە (نەمەسە) ماتەريالدىق رەسۋرستاردىڭ جىلدىق نورمالارىن مەملەكەتتىك باسقارۋدىڭ ءتيىستى سالاسىنا (اياسىنا) باسشىلىقتى جۇزەگە اسىراتىن مەملەكەتتىك ورگان بەكىتكەن ءتيىستى سالالىق نورمالارمەن نەمەسە سالىستىرمالى رەتتەلەتىن نارىقتاردا قىزمەتتەر كورسەتەتىن سۋبەكتىلەر قولداناتىن نورمالارمەن سالىستىرۋ جولىمەن;
سۋبەكت پەرسونالىنىڭ ەڭبەگىنە اقى ءتولەۋگە ارنالعان شىعىستاردى سالىستىرمالى رەتتەلەتىن نارىقتاردا قىزمەتتەر كورسەتەتىن نارىق سۋبەكتىلەرىنىڭ ەڭبەگىنە اقى تولەۋگە ارنالعان شىعىندارمەن;
سۋبەكت باعالارىنىڭ ۇلعايۋىنا اسەر ەتەتىن باسقا دا شىعىستارعا سالىستىرمالى تالداۋ جولىمەن ساراپتاما جۇرگىزەدى.»
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.