3 ءساۋىر كۇنى سان-برۋنوداعى YouTube شتاب-پاتەرىندە اتىس بولىپ, بىرنەشە ادام وققا ۇشتى. بۇل تۋرالى Fox News, CNN, CBS News سياقتى امەريكا ارنالارى حابارلاپ جاتىر.
قارا كويلەك كيگەن بەيتانىس ايەل وق جاۋدىرعان. باق مالىمەتىنشە, ول ءوزىنىڭ جىگىتىنە وق اتىپ, ىشىنەن جارالاعان. ارتىنشا ايەل ءوزىن دە اتىپ ولتىرگەن. اتىس 1700-گە جۋىق قىزمەتكەر جۇمىس ىستەيتىن YouTube وفيسىنە جاقىن ورنالاسقان كافە ماڭايىندا بولعان. وققا ۇشقان جىگىتتەن بولەك تاعى ءۇش ادام جاراقات العان. ۆيدەوسەرۆيستىڭ وزگە قىزمەتكەرلەرى قاۋىپسىز ماڭعا كوشىرىلدى. پوليتسيا قىزمەتكەرلەرى اۋداندى قورشاپ, باقىلاۋعا الدى.
اقش پرەزيدەنتى دونالد ترامپ ءوزىنىڭ Twitter پاراقشاسىندا كاليفورنياداعى اتىس تۋرالى حاباردار ەكەنىن مالىمدەپ, جاراقات العاندارعا قولداۋ ءبىلدىردى.