ماڭعىستاۋدا سەنبىلىك ءوتتى

31 ناۋرىز كۇنى ايمقا باسشىسىنىڭ قاتىسۋىمەن بارلىق وبلىستىق جانە قالالىق مەملەكەتتىك مەكەمەلەر, اۋماقتىق دەپارتامەنتتەر مەن ينسپەكتسيالار, مەملەكەتتىك قۇقىق قورعاۋ ورگاندارى, وندىرىستىك كاسىپورىندار مەن وقۋ ورىندارى قىزمەتكەرلەرى جاپپاي سەنبىلىككە شىعىپ, قالانى كۇل-قوقىستان تازارتىپ, اعاش وتىرعىزدى.  

دەرەكتەرگە سۇيەنسەك, 17 ناۋرىزدان باستاپ ۇيىمداستىرىلعان سەنبىلىككە وبلىس بويىنشا بارلىعى 9 808 ادام قاتىسىپ, 169 تەحنيكا جۇمىلدىرىلدى. ناتيجەسىندە  1 927 گا اۋماق تازارتىلىپ, بارلىعى 3 702 توننا قالدىق شىعارىلدى. سونىمەن قاتار, اقتاۋ قالاسى, تۇپقاراعان جانە مۇنايلى اۋداندارىندا بارلىعى 185 اعاش, مۇنايلى اۋدانىندا 10 تەكشە مەتر جەرگە  گۇلزارلار وتىرعىزىلدى. اقتاۋ قالاسىندا 60 جانە قاراقيا اۋدانىندا 20 ورىندىق قالپىنا كەلتىرىلدى.

الداعى سەنبىلىكتەردە اعاش تۇپتەرىن اكتەۋ, اعاش وتىرعىزۋ جانە تاعى دا باسقا تازارتۋ جۇمىستارى جالعاسىن تابادى. اقتاۋ قالاسىنداعى وتكەن سەنبىلىككە بارلىق وبلىستىق جəنە قالالىق مەملەكەتتىك مەكەمەلەر جۇمىلدىرىلدى. سونىمەن قاتار جۇمىسشىلارىمەن جəنە تەحنيكالارىمەن قامتاماسىز ەتكەن وندىرىستىك كəسىپورىندار قاتىستى. 500-گە جۋىق سەنبىلىككە قاتىسۋشى كىشى ويماشا كولىنىڭ ماڭىن تازالادى.

گۇلايىم شىنتەمىرقىزى, «ەگەمەن قازاقستان»