شىمكەنتتە تۇعىنداردىڭ جاپپاي ۋلانۋىنا سەبەپشى بولعان بالمۇزداق ساتاتىن ورىندى تەكسەرۋ جۇمىستارى باستالىپ كەتتى. بۇل تۋرالى وبلىستىق دەنساۋلىق ساقتاۋ باسقارماسىندا وتكەن بريفينگتە ايتىلدى, دەپ حابارلايدى قازاقپارات.
سالا ماماندارىنىڭ سوزىنشە, وبلىستىق قوعامدىق دەنساۋلىق ساقتاۋ دەپارتامەنتى مەن وبلىستىق دەنساۋلىق ساقتاۋ باسقارماسىنىڭ ماماندارىنان ارنايى بريگادا قۇرىلعان. ولار «يۋجنوە» دەپ اتالاتىن ساۋدا نۇكتەسىن تەكسەرىپ جاتىر.
«بىزدە زەرتحانا بار سول جەرگە بالمۇزداق ساتقان ورىننان ارنايى سىنامالار الىندى. ول جەردەگى قىزمەتكەرلەردەن دە انامنەز الدىق. ودان كەيىن ءبىر بريگادامىز اۋرۋحانادا ءار ناۋقاسپەن سويلەسىپ, جەكە-جەكە انامنەز الىپ جاتىر. بارلىعى تەكسەرىلۋدە. ناتيجەلەرى بولجام بويىنشا ءۇش كۇننەن كەيىن دايىن بولادى»,-دەيدى وبلىستىق قوعامدىق دەنساۋلىق ساقتاۋ دەپارتامەنتى باستىعىنىڭ ورىنباسارى. ال, وبلىستىق دەنساۋلىق ساقتاۋ باسقارماسىنىڭ باسشىلىعى بالمۇزداقتان ۋلانعانداردىڭ العاشقى لەگى شىمكەنت قالالىق جۇقپالى اۋرۋلار اۋرۋحاناسىنا 29 - 30 ناۋرىزى كۇندەرى تۇسكەنىن ايتادى.
«ناۋقاستار بىرنەشە رەت توقتاماي قۇسۋ مەن ءىشتىڭ جۇرۋىنە شاعىمدانعان. بۇگىنگى ۋاقىتتا ولاردىڭ قاتارى 39-عا جەتتى. تۇسكەندەردىڭ 21-ءى ەرەسەك ادام, 14 جاسقا دەيىنگى 11 بالا جانە 7 ءجاسوسپىرىم بار. جاس ەرەكشەلىكتەرى 15 جاستان 18 جاسقا دەيىن. كورسەتىلگەن ناۋقاستار اراسىندا 3-ءۋى اۋرۋحانانىڭ جانساقتاۋ بولىمشەسىنە جاتقىزىلدى. ونىڭ 1-ءۋى ەرەسەك ادام, بىرەۋى جۇكتى ايەل, 2 ءجاسوسپىرىم بالا. بۇگىنگى كۇنگە بارلىق ناۋقاستاردىڭ جاعدايى تۇراقتى, ولارعا ءتيىستى ەم - دوم كورسەتىلۋدە. اۋرۋحانادا توسەك ورىندارى جەتكىلىكتى»,- دەيدى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ايگۇل جاقىپقىزى.
ەسكە سالايىق, كەشەدەن بەرى شىمكەنتتە تۇرعىندار بالمۇزداق جەپ, جاپپاي ۋلانىپ قالعان بولاتىن. بارلىعى دا بالمۇزداقتى ءبىر جەردەن ساتىپ العانىن جەتكىزگەن.