بۇگىن تۇسكە تاياۋ شەمونايحا اۋدانىندا جەرگىلىكتى اۋقىمداعى توتەنشە جاعداي جاريالانعانى بەلگىلى. وبلىستىق توتەنشە جاعداي دەپارتامەنتىنىڭ ءباسپاسوز قىزمەتى 107 ادامنىڭ (ونىڭ – 12-ءسى بالا) سۋ باسقان ۇيلەردەن شىعارىلىپ, ءبىر بولىگى ەلدى مەكەندەگى ورتا مەكتەپكە ورنالاستىرىلعانىن, ءبىر بولىگى تۋىستارىنىڭ ءۇيىن پانالاپ وتىرعانىن حابارلادى.
قازىر اۋداندا جەكە قۇرامنىڭ 50 ادامى مەن 11 تەحنيكا جۇمىس ىستەۋدە. وبلىس ورتالىعىنان مي-2 تىكۇشاعى مەن «ۆوستوكۆرزىۆپروم» مەكەمەسىنىڭ قىزمەتكەرلەرى كومەككە جونەلتىلگەن.
دەپارتامەنتتىڭ ءباسپاسوز قىزمەتىنىڭ تاراتقان مالىمەتتەرىنە سۇيەنسەك, ءۇبى وزەنىنە تاياۋ ماڭدا ورنالاسقان 40 ءۇي مەن 12 اۋلا اۋماقتارىن سۋ باسقان.
ازامات قاسىم, «ەگەمەن قازاقستان» شىعىس قازاقستان وبلىسى, شەمونايحا اۋدانى سۋرەتتەر وبلىستىق توتەنشە جاعداي دەپارتامەنتىنىڭ ءباسپاسوز قىزمەتىنەن الىندى