ورتالىق كوممۋنيكاتسيالار قىزمەتىنىڭ اقپاراتتىق الاڭىندا «استاناعا 20 جىل – 20 يگى ءىس» كورپوراتيۆتىك مەرەيتويلىق باعدارلاماسى اياسىندا BI Group قۇرىلىس كومپانياسى جاريالاعان «Happy StartUp» كونكۋرسىنىڭ تانىستىرىلىمى ءوتتى.
ءىس-شاراعا BI Group PR ديرەكتورى گاۋحار كەرىموۆا, BI University ديرەكتورى ولگا باسپاەۆا, BI Development دامۋ ءبولىمىنىڭ باستىعى ايبار مۇقانوۆ جانە «سانا» جق «جاس وتان» ۇيلەستىرۋشىسى ايگەرىم سەرىكجانوۆا قاتىستى.
ء«بىز ودان ءارى دامىعاندى, جاڭارعاندى قالايمىز, ەڭ باستىسى – ءبىز تۇرعىزعان ۇيلەردە قولايلى ءومىر ءسۇرۋدى قالىپتاستىرۋ. سوندىقتان BI Group كومپانياسى «استاناعا 20 جىل – 20 يگى ءىس» كورپوراتيۆتىك مەرەكەلىك باعدارلاماسى اياسىندا ءبىز سالعان تۇرعىن ءۇي كەشەندەردىڭ ساپاسىن ارتتىرۋ بويىنشا «Happy StartUp» كونكۋرسىن جاريالادى, دەپ اتاپ ءوتتى گاۋحار كەرىموۆا.
سونىمەن قاتار ول كونكۋرسقا جاستىق ەرەكشەلىگىنە, تۇرعىلىقتى ورنىنا, ماماندىعىنا قاراماستان قازاقستان رەسپۋبليكاسىنىڭ كەز كەلگەن ازاماتى قاتىسا الاتىندىعىن مالىمدەدى.
ء«سىز تەك, ءبىزدىڭ ءونىمنىڭ ساپاسىن جاقسارتۋ بويىنشا ءبىر نەمەسە بىرنەشە يدەياڭىزدى ۇسىنىپ, http://bi-group.org/happystartup سىلتەمەسى ارقىلى ءوتىنىشتى تولتىرىپ, ءوز جەڭىسىڭىزگە سەنسەڭىز بولعانى! ەڭ ۇزدىك يدەيالار كومپانيا ستاندارتىنا ەنگىزىلەدى جانە اقشالاي سىيلىقتارمەن ماراپاتتالادى, سونداي-اق 10 فيناليست BI University-دە وتكىزىلەتىن ترەنينگتەرگە سەرتيفيكات الادى. BI Group بارشا قاۋىمدى ءوزىمىز ءومىر ءسۇرىپ جاتقان قورشاعان الەمگە, ۇيلەرىمىزگە سۇيىسپەنشىلىكپەن قاراپ, كورشىلەرىمىزدى قۇرمەتتەۋگە, مەيىرىمدى بولۋعا شاقىرادى», دەدى BI Group كومپانياسىنىڭ PR ديرەكتورى گاۋحار كەرىموۆا.
راۋان قايدار, «ەگەمەن قازاقستان»