جۋىردا قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ حالىققا «پرەزيدەنتتىڭ بەس الەۋمەتتىك باستاماسى» اتتى ۇندەۋىن جاريالاعانى بەلگىلى.
اتالعان ۇندەۋدە ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ, جالاقىسى تومەن جۇمىسشىلاردىڭ ەڭبەكاقىسىن كوبەيتۋ ءۇشىن ولاردىڭ سالىق جۇكتەمەسىن ازايتۋ, جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ, ستۋدەنت جاستاردىڭ جاتاقحاناداعى جاعدايىن جاقسارتۋ, شاعىن نەسيە بەرۋدى كوبەيتۋ جانە ەلدى گازبەن قامتاماسىز ەتۋدى جالعاستىرۋ ماسەلەلەرى قامتىلعان بولاتىن.
ەلباسى ۇندەۋىن حالىققا ءتۇسىندىرۋ بويىنشا قازاقستان حالقى اسسامبلەياسىنىڭ بىرىڭعاي كۇنى اياسىندا تاراز قالاسىنداعى «دوستىق ءۇيى» عيماراتىندا دوڭگەلەك ۇستەل ءوتتى. اتالعان شاراعا قازاقستان حالقى اسسامبلەياسىنىڭ مۇشەلەرى, وڭىردەگى ەتنومادەني بىرلەستىكتەردىڭ توراعالارى مەن وكىلدەرى, انالار, اقساقالدار جانە قوعامدىق كەلىسىم كەڭەستەرىنىڭ مۇشەلەرى, سونداي-اق «قوعامدىق كەلىسىم» كوممۋنالدى مەملەكەتتىك مەكەمەسىنىڭ قىزمەتكەرلەرى قاتىستى.
دوڭگەلەك ۇستەلدى جامبىل وبلىسى قازاقستان حالقى اسسامبلەياسى حاتشىلىعىنىڭ مەڭگەرۋشىسى مارجان قوجاەۆا اشىپ, جۇرگىزىپ وتىردى. ەلباسى ۇندەۋىندە كورسەتىلگەن باستامالار بويىنشا قازاقستان رەسپۋبليكاسى ۇلتتىق بانكى جامبىل وبلىستىق فيليالى ەكونوميكالىق تالداۋ جانە ستاتيستيكالىق ءبولىمىنىڭ باسشىسى ك.قىرعىزباەۆا جانە «قازاقستاننىڭ تۇرعىن ءۇي قۇرىلىس جيناق بانكى» اق جامبىل وبلىستىق فيليالى بيزنەستى دامىتۋ ءبولىمىنىڭ باسشىسى ب.قۇتتىباەۆ ء«اربىر وتباسىنا باسپانا الۋدىڭ جاڭا مۇمكىندىكتەرىن بەرۋ», م.ح.دۋلاتي اتىنداعى تاراز مەملەكەتتىك ۋنيۆەرسيتەتى زاڭ فاكۋلتەتىنىڭ دەكانى ق.نۇرمانبەتوۆ «جالاقىسى تومەن جۇمىسشىلاردىڭ ەڭبەكاقىسىن كوبەيتۋ ءۇشىن ولاردىڭ سالىق جۇكتەمەسىن ازايتۋ» جانە «جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ, ستۋدەنت جاستاردىڭ جاتاقحاناداعى جاعدايىن جاقسارتۋ», «اساتۋ» جشس-ءنىڭ ديرەكتورى ب.جەتپىسباەۆ «شاعىن نەسيە بەرۋدى كوبەيتۋ», «قازترانسگازايماق» اق جامبىل وندىرىستىك فيليالى وندىرىستىك تەحنيكالىق ءبولىمىنىڭ باسشىسى ا.يۋسۋپوۆ «ەلدى گازبەن قامتاماسىز ەتۋدى جالعاستىرۋ» ماسەلەلەرى بويىنشا باياندامالار جاساپ, ءوز ويلارىن ايتتى. سونداي-اق دوڭگەلەك ۇستەلگە قاتىسۋشىلار ەلباسى ۇندەۋى بويىنشا ءوز پىكىرلەرىن ءبىلدىردى.
حاميت ەسامان, «ەگەمەن قازاقستان»
جامبىل وبلىسى