سقو-داعى «بىرلىك» اۋىلىندا بەرەكە بار

رەسپۋبليكالىق ماڭىزداعى تاسجولدىڭ بويىندا ورنا­لاس­قاندىقتان, قوعامدىق كولىكتەر­دىڭ قاتىناسىندا ەش ىركىلىس جوق. اۋىلدىق وكرۋگتىڭ اكىمى ولگا ازلەردىڭ ايتۋىن­شا, پرە­­زي­­دەنتتىڭ بەس الەۋمەتتىك باس­­تا­­ماسى بىرلىكتىكتەر تاراپىنان ۇلكەن قولداۋعا يە بولىپ, حالىق­تىڭ تۇرمىسى جان-جاق­تى قاراس­تىرىلعان ال­دىڭ­عى شەشىم­دەر­دىڭ زاڭدى جال­عاسى رەتىن­دە قا­بىلدانعان. 106 وقۋ­شىسى, 28 مۇعالىمى بار مەكتەپ ۇيىن­دە قا­زاق­ستان حال­قى اسسامب­لەيا­سى­نىڭ ۇيىم­داس­تىرۋىمەن وت­كەن رەسپۋبليكالىق بىرىڭعاي كۇن­گە جينالعاندار اراسىندا جاس­تاردىڭ قاراسى مول بولدى. ەل­با­سىنىڭ حالىققا ارناعان ۇندەۋىن ريزاشىلىقپەن قابىل العاندارى جۇزدەرىنەن ءبىلىنىپ تۇردى. 

– مەملەكەت باسشىسى حالىق­تىڭ جاعدايىن جاقسارتۋ جولىن­دا قازاقستاندىق سارا جولدى تاڭ­داپ, ىلكىمدى ىلگەرىلەۋدىڭ تىڭ جول­دارىن ۇسىندى. بۇل باعدار­لا­ما­دا اۋقىمدى الەۋمەتتىك جوبا­لاردى جۇزەگە اسىرۋدىڭ تەتىك­تەرى مۇقيات ويلاستىرىل­عان. جاڭا اسۋلارعا جەتەلەيتىن جارقىن بەلەس ەكەنى بىردەن انىق اڭعارىلادى, – دەي كەلىپ اۋىل اكىمى جەرلەستەرىن الەۋمەتتىك باستامالارعا بەلسەنە قاتىسۋعا شاقىردى. 

نينا ەروششەنكو, كۇلاي اق­پانوۆا سەكىلدى كەلىنشەكتەردىڭ ىسكەرلىگىنە اۋىلداستارى ءدان ريزا. بۇلار جەكە كاسىپتىڭ بىلگىر­لەرى, ۇيىتقىلارى سانالادى. باستاپقىدا ءوزىن-ءوزى جۇمىسپەن قامتاماسىز ەتۋشىلەردىڭ قاتا­رىن­دا بولسا, ەندى باسقالارعا دا كومەك قولىن سوزىپ وتىر. 

«يگىلىكتى شارالاردان ۇس­تاز­دار قاۋىمى دا شەت قالماي­دى. ءاربىر وتباسىنا باسپانا الۋ­دىڭ مۇمكىندىكتەرى بەرىل­گەنىن قۋانا قوستايمىن «بىزدە «ديپلوم­مەن – اۋىلعا!» باعدارلاماسى بو­يىنشا ەڭبەك ەتىپ جاتقان مۇعالىمدەر از ەمەس. قاتارىمىز جاستار­­مەن تول­ى­عىپ كەلەدى. ولاردىڭ «7 – 20 – 25» باع­­دار­­لا­ماسىنا قوسىلىپ, الەۋ­مەت­­تىك جاعدايلارىن تۇزەۋىنە تىلەك­­تەسپىن», دەدى ءوز سوزىندە مەك­تەپ ديرەك­تورىنىڭ ورىنباسارى ايناش قابدوشەۆا. 

الىستاعى اۋىلداعى جاقسى ىستەردىڭ قولداۋشىلارى مەن جاناشىرلارىنىڭ وي-پىكىرلەرى ءبىر ارنادا توعىستى.

ءومىر ەسقالي, «ەگەمەن قازاقستان»

سولتۇستىك قازاقستان وبلىسى, ع.مۇسىرەپوۆ اۋدانى