بۇگىن ازەربايجان رەسپۋبليكاسىنىڭ پرەزيدەنتى يلحام اليەۆ حالىقارالىق تۇركى اكادەمياسىنىڭ باسشىسى دارحان قىدىرالىنى قابىلدادى.
كەزدەسۋ بارىسىندا دارحان قىدىرالى اكادەميانىڭ قىزمەتىنە كەڭىرەك توقتالىپ, ازەربايجانعا قاتىستى جۇرگىزگەن جۇمىستارى, شىعارعان ەڭبەگى تۋرالى بايانداپ بەردى. سونداي-اق د. قىدىرالى ازەربايجاننىڭ مەملەكەت باسشىسىنا اكادەميا كىتاپتارىن تارتۋ ەتتى.
ءوز كەزەگىندە ازەربايجان پرەزيدەنتى دە اكادەميا جۇمىسىن جوعارى باعالايتىنىن ايتىپ, ريزاشىلىق ءبىلدىردى. كەزدەسۋ سوڭىندا يلحام اليەۆ اكادەميا باسشىسىنا ازەربايجاننىڭ «دوستىق» وردەنىن تابىستادى.