ەلباسى نۇرسۇلتان نازارباەۆتىڭ پارلامەنت پالاتالارىنىڭ بىرلەسكەن وتىرىسىندا جاريالاعان ۇندەۋى ميلليونداعان قاراپايىم ادامداردىڭ كوكەيلەرىندە جۇرگەن وزەكتى ماسەلەلەردىڭ وڭ شەشىمىن كەشىكتىرمەي تابۋعا مۇمكىندىك بەرىپ وتىر.
سولاردىڭ ىشىندە ەڭ باستىسى – ء«اربىر وتباسىنا باسپانا الۋدىڭ جاڭا مۇمكىندىكتەرىن بەرۋ» باستاماسى ەكەندىگى داۋسىز. ەلىمىزدە تۇرعىن ءۇي سالۋ قارقىنى جىلدان-جىلعا ۇدەتىلىپ, وتكەن جىلى 11,2 ميلليون شارشى مەتردى قۇراعان رەكوردتىق كورسەتكىشكە قول جەتكىزىلگەنىمەن, حالقىمىزدىڭ دەموگرافيالىق ءوسىمى دە ايتارلىقتاي بولعاندىقتان, باسپانا كەزەگىندە تۇرعاندار سانى ءالى دە كوپ. وسىعان وراي پرەزيدەنت «7 – 20 – 25» باعدارلاماسىن ۇسىنىپ وتىر. ياعني تۇرعىن ءۇي نەمەسە پاتەر ساتىپ الۋشىلارعا يپوتەكالىق نەسيە جىلدىق مولشەرلەمەسى 7 پروتسەنتتەن, باستاپقى جارناسى 20 پروتسەنتتەن اسىرىلماي 25 جىلعا بەرىلەتىن بولادى. ەلباسى ۇسىنعان جاڭا باعدارلاما باسپانادان مۇقتاجدىق كورىپ جۇرگەن ميلليونداعان ازاماتتارعا ەلەۋلى جەڭىلدىك تۋعىزارى حاق.
ەكىنشى باستاما – «جالاقىسى تومەن جۇمىسشىلاردىڭ ەڭبەكاقىسىن كوبەيتۋ ءۇشىن ولاردىڭ سالىق جۇكتەمەسىن ازايتۋدىڭ» دا الەۋمەتتىك ماڭىزى زور. جالاقىسى تومەن ادامدارعا سالىناتىن تابىس سالىعىنىڭ مولشەرىن كەلەسى جىلدان باستاپ, 10 پروتسەنتتەن 1 پروتسەنتكە دەيىن ازايتۋ 2 ميلليوننان استام ادامنىڭ جاعدايىن جاقسارتپاق.
ەلباسىنىڭ ءۇشىنشى باستاماسى – «جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ, ستۋدەنت جاستاردىڭ جاتاقحاناداعى جاعدايىن جاقسارتۋ» دا قوعامىمىزدا دا, پارلامەنتتە دە ءجيى كوتەرىلىپ جۇرگەن پروبلەمالاردى وڭىنان شەشۋگە باعىتتالعان.
ءتورتىنشى باستاما – «شاعىن نەسيە بەرۋدى كوبەيتۋ» قاجەتتىگى تۋرالى ءبىز وڭىرلەردە بولىپ, اسىرەسە, اۋىل تۇرعىندارىمەن كەزدەسۋلەر وتكىزگەندە ۇنەمى ەستىپ ءجۇرمىز. سوندىقتان دا ۇستىمىزدەگى جىلى وسى ماقساتقا قوسىمشا 20 ميلليارد تەڭگە ءبولىنىپ, شاعىن نەسيە الاتىنداردىڭ سانى 14 مىڭ ادامعا جەتەتىندىگى – ەلباسىنىڭ, ەڭ الدىمەن, اۋىلعا دەگەن ايرىقشا قامقورلىعى دەپ سانايمىن.
بەسىنشى باستاما – «ەلدى گازبەن قامتاماسىز ەتۋدى جالعاستىرۋ» دا – بىزگە, دەپۋتاتتارعا, ەلىمىزدىڭ ورتالىق جانە سولتۇستىك وڭىرلەرىنىڭ تۇرعىندارىمەن كەزدەسكەن سايىن ايتىلىپ, كۇن تارتىبىنەن تۇسپەي تۇرعان ماڭىزدى ماسەلە.
ەلباسىنىڭ جاڭا الەۋمەتتىك باستامالارى بارشا قازاقستاندىقتاردىڭ ەرتەڭگى كۇنگە سەنىمدەرىن نىعايتىپ, قاناتتاندىرا تۇسەتىن قۋاتتى قامقورلىق دەپ بىلەمىن.
كارىباي مۇسىرمان,
ءماجىلىس دەپۋتاتى