ءبىز, قازاقستان حالقى اسسامبلەياسىنىڭ وكىلدەرى پرەزيدەنت نۇرسۇلتان نازارباەۆتىڭ ۇندەۋىن ۇلكەن قىزىعۋشىلىقپەن تىڭدادىق.
مەملەكەت باسشىسى ءوز ءسوزىنىڭ كىرىسپەسىندە ناۋرىزدىڭ ەرەكشە اي ەكەنىنە توقتالدى. تاياۋدا, 1 ناۋرىزدا العىس ايتۋ كۇنىن تويلادىق. سونداي-اق بۇل كۇن قازاقستان حالقى اسسامبلەياسىنىڭ قۇرىلعان كۇنى. بۇل كۇن الەۋەتتى جانە جاۋاپتى تۇلعالارى بار, تاريحىن بىلەتىن جانە ونىمەن ماقتاناتىن بىرىڭعاي ۇلت ەكەنىمىزدى كورسەتەدى.
بۇگىندە قازاقستان حالقى اسسامبلەياسى تۇراقتىلىقتىڭ, جاڭعىرۋدىڭ جانە دامۋدىڭ ۇيىتقىسى بولۋدا. سەنىم, ءداستۇر, ترانسپارەنتتىلىك, تولەرانتتىلىق – ەلباسىنىڭ ولشەۋسىز ەڭبەگىنىڭ ارقاسىندا دامىعان مەملەكەتكە اينالۋىمىزدىڭ نەگىزى بولدى. تاۋەلسىز قازاقستاندا بارشا ەتنوستار بىرىڭعاي ۇلت رەتىندە ەركىن ءومىر سۇرەدى.
ەلباسى ايتقانداي, «قازاقستان – ورتاق ءۇيىمىز» يدەياسى جاڭاشا ماعىناعا يە بولۋى ءتيىس. قازىرگى تاڭدا جۇزەگە اسىرىلىپ جاتقان يگى ىستەردىڭ ءبارى قازاقستان حالقىنا ارنالادى. سوندىقتان ن.نازارباەۆ پارلامەنتتە جاڭا الەۋمەتتىك باستامالارىن تانىستىردى. بۇل – الەۋمەتتىك جاڭعىرۋعا ارنالعان اۋقىمدى باستاما.
پرەزيدەنت ۇندەۋىندە قازاقستاندىقتاردى تولعاندىراتىن ماڭىزدى ماسەلەلەر ايتىلدى. ولار: تۇرعىن ءۇي الۋ, سالىقتى ازايتۋ, جوعارى ءبىلىمنىڭ ساپاسى مەن قولجەتىمدىلىگى, شاعىن نەسيەلەۋ جانە ەلدى گازداندىرۋ.
ۇندەۋدە ايتىلعان تۇرعىن ۇيگە قاتىستى جاڭا مۇمكىندىكتەردى بيۋدجەتتىك سالادا جۇمىس ىستەيتىن جانە ورتا تابىسى بار قازاقستاندىقتار جىلى قابىلدادى. «7 – 20 – 25» باعدارلاماسى اياسىندا ءاربىر قازاقستاندىققا ءتيىمدى يپوتەكالىق زايم الۋعا مۇمكىندىك تۋادى.
ەلباسى ۇندەۋىندە ايتىلعان تاعى ءبىر ماڭىزدى ماسەلە – تومەن جالاقى الاتىن جۇمىسشىلارعا سالىناتىن سالىق دەڭگەيىن ءتۇسىرۋ. وسىنىڭ ارقاسىندا جۇمىس بەرۋشىلەردى مىندەتتەمەستەن, ەكى ميلليونعا جۋىق قازاقستاندىقتىڭ جالاقىسى كوبەيەدى.
كەلەسى ماڭىزدى قادام – جوعارى ءبىلىم ساپاسى مەن ونىڭ قولجەتىمدىلىگىنە جاسالعان تاعى ءبىر قادام. بۇل قازاقستاندىق جاستاردى قىزىقتىرادى ءارى ءۇمىت سىيلايدى. بۇل باستاما ءتورتىنشى ونەركاسىپتىك رەۆوليۋتسيا جاعدايىندا قاجەت بولاتىن مىڭداعان جاڭا مامانداردى ازىرلەپ شىعۋعا مۇمكىندىك بەرەدى.
ءوزىن ءوزى جۇمىسپەن قامتىعان حالىققا جاڭا جۇمىس اشۋعا مۇمكىندىك بەرەتىن شاعىن نەسيەلەۋدىڭ كولەمىن بىلتىرعىدان كوبەيتۋ دە ءدال ۋاقىتىندا جاسالعان شەشىم بولدى. ءوز كاسىبىن باستاعان ادامداردىڭ سانى ۇلعايادى, ويتكەنى جۇمىس باستاۋ ءۇشىن قارجى كەرەك ەكەنى بەلگىلى.
جىل سايىن قازاقستاندا گاز ءوندىرۋ كولەمى ۇلعايىپ كەلەدى. بۇكىل وبلىستاردى گازبەن قامتاماسىز ەتۋ تۇرعىنداردىڭ ءومىر ءسۇرۋ قابىلەتىن ارتتىرىپ, ەكولوگيالىق جاعدايعا وڭ اسەرىن تيگىزەتىنى انىق.
حالىقارالىق ارەنادا كوپتەگەن ەلدەر قازاقستاندى تۇراقتى مەملەكەت رەتىندە تانيدى. بۇل – ەلباسى ن.نازارباەۆتىڭ ەرەن ەڭبەگىنىڭ ناتيجەسى. وسى ورايدا, قازاقستان حالقى اسسامبلەياسى مەملەكەت باسشىسىنىڭ بۇكىل باستامالارىن قولداپ, تاۋەلسىز قازاقستاندى وركەندەتۋ مەن نىعايتۋعا ۇلەسىن قوسا بەرەدى.
ابيلفاس حامەدوۆ,
قازاقستان حالقى اسسامبلەياسى توراعاسىنىڭ ورىنباسارى