كر پرەمەر-ءمينيسترىنىڭ ءبىرىنشى ورىنباسارى اسقار مامين جۇمىس ساپارىمەن تۇرىكمەنستاننىڭ مارى قالاسىندا بولدى.
ۇرىكمەنستان پرەزيدەنتى گۋربانگۋلى بەردىمۇحامەدوۆپەن كەزدەسۋىندە ەكى جاقتى قارىم-قاتىناستى ءارى قاراي دامىتۋ جايى تالقىلاندى.
ء«بىز ەكى ەل اراسىنداعى ساۋدا-ەكونوميكالىق قاتىناستى ودان ءارى تەرەڭدەتۋگە ۇلكەن ءمان بەرۋدەمىز»,-دەپ اتاپ ءوتتى ا. مامين. ول «2017 جىلى ساۋىردە تۇرىكمەنستان پرەزيدەنتىنىڭ قازاقستانعا جاساعان مەملەكەتتىك ساپارى ەكى ەل اراسىنداعى ساۋدا قاتىناسىنا زور سەرپىن بەرگەندىگىن» اتاپ ءوتتى.
«قازاقستان مەن تۇرىكمەنستاننىڭ مەملەكەت باسشىلارىنىڭ تاپسىرمالارىنا سايكەس, ەكى ەلدىڭ ۇكىمەتتەرى ءوزارا ساۋدا قاتىناسى كولەمىن ەداۋىر ۇلعايتتى. قازاقستان بۇل تاپسىرمانى ودان ءارى جۇزەگە اسىرۋعا بارلىق كۇش جىگەرىن جۇمسايدى»,-دەدى كەزدەسۋ بارىسىندا قر پرەمەر- ءمينيسترىنىڭ ءبىرىنشى ورىنباسارى.
ەكى ەل اراسىنداعى ساۋدا قاتىناسىندا ترانزيتتىك- كولىك سالاسى, ەنەرگەتيكا, اۋىل شارۋاشىلىعى, ماشينا جاساۋ, تەمىرجول كولىگى ماشيناسىن جاساۋعا قاجەتتى ونىمدەردى جەتكىزۋگە باسىمدىق بەرىلىپ وتىر.
سونىمەن قاتار ەكى ەل قاتىناسىندا اسكەري-تەحنيكالىق جانە اەروعارىشتىق سالاعا دا باسىمدىق بەرىلدى.
ءوز كەزەگىندە تۇرىكمەنستان پرەزيدەنتى گۋربانگۋلى بەردىمۇحامەدوۆ وڭىرلىك ينفراقۇرىلىمدىق جوبالاردى دامىتۋدىڭ ماڭىزدىلىعىنا توقتالدى.
«تۇرىكمەنستان مەن قازاقستان ءوزارا تاتۋ كورشى عانا ەمەس, سەنىمدى سەرىكتەس. بىزدەر وڭىرلىك ينفراقۇرىلىمدىق جوبالاردى بەلسەندى دامىتۋعا كوڭىل اۋدارۋىمىز كەرەك. بۇل باعىتتا قولدانىلماعان الەۋەت مول. ماسەلەن, «سولتۇستىك-وڭتۇستىك جاڭا تەمىرجول ءدالىزىنىڭ ءوزى جۇك اعىندارىن رف, قىتاي, ازيا-تىنىق مۇحيت ءوڭىرى, پارسى شىعاناعى ەلدەرىنە شىعارۋعا ۇلكەن مۇمكىندىك اپەرىپ وتىر»,-دەپ اتاپ ءوتتى گ. بەردىمۇحامەدوۆ.
وڭىردەگى ساۋدا قاتىناسىن دامىتۋعا قولايلى تاريفتىك جەڭىلدىكتەرگە قول جەتكىزىلدى. اتاپ وتەرلىگى, بيىلعى قاڭتاردا ەكسپورتتىق-يمپورتتىق تاسىمال كولەمى وتكەن جىلدىڭ سايكەس مەرزىمىمەن سالىستىرعاندا ەكى ەسەگە ارتقان.
كەزدەسۋ بارىسىندا تاراپتار حالىقارالىق ارالدى قۇتقارۋ قورىنىڭ (حاقق) جۇمىسىتۋرالى ماسەلەنى دە ورتاعا سالدى.
تۇرىكمەنستانعا ساپارى بارىسىندا قر پرەمەر-ءمينيسترىنىڭ ءبىرىنشى ورىنباسارى «تۇرىكمەنستان- اۋعانستان- پاكىستان- ينديا» گاز قۇبىرىن تارتۋدىڭ كەزەكتى كەزەڭىنىڭ رەسمي اشىلۋ سالتاناتىنا, «تۇرىكمەنستان- اۋعانستان- پاكىستان» باعدارىنداعى ەلەكتر جەلىسى مەن وپتيكالىق تالشىقتى بايلانىس جەلىسىن توسەۋگە, «سەرحەتاباد-تۇرعىندى» جاڭا تەمىرجولى قۇرىلىسىنىڭ اياقتالۋ سالتاناتىنا قاتىستى.