مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى كولىكتىك باقىلاۋ ينسپەكتسياسىنىڭ وكىلدەرى سىبايلاس جەمقورلىققا قارسى موبيلدىك جانە ارنايى مونيتورينگ توپتارىنىڭ قۇرامىندا «اقتاۋ-فورت-شەۆچەنكو» جول تراسساسىندا «جولداردا سىبايلاس جەمقورلىقتىڭ دەڭگەيىن تومەندەتۋدىڭ 10 قادامى» اتتى پروفيلاكتيكالىق ءىس-شارا ۇيىمداستىردى
مەملەكەت تاراپىنان جۇرگىزىلىپ جاتقان سىبايلاس جەمقورلىققا قارسى ساياساتتى كەڭ اۋقىمدا ءتۇسىندىرىپ, قوعامدا سىبايلاس جەمقورلىق اتتى قاۋىپتى دەرتكە قارسى توزبەۋشىلىكتى قالىپتاستىرۋ ماقساتىنداعى شاراعا موبيلدىك جانە ارنايى مونيتورينگ توپتارىنىڭ قۇرامىندا «ماڭعىستاۋ وبلىسىنىڭ ازاماتتىق اليانسى», «ازاماتتىق قۇقىق», «تۋعان ەل», «ازامات داۋىسى» جانە باسقا دا ۇكىمەتتىك ەمەس ۇيىمداردىڭ وكىلدەرى بولدى.
ۇيىمداستىرۋشىلار كولىك جۇرگىزۋشىلەرىنە سىبايلاس جەمقورلىق قۇقىق بۇزۋشىلىقتار ءۇشىن اكىمشىلىك جانە قىلمىستىق جاۋاپكەرشىلىك بويىنشا تۇسىندىرمە جۇرگىزىپ, رەسپۋبليكالىق سىبايلاس جەمقورلىققا قارسى قوزعالىستى قولداۋعا شاقىردى.
اكتسيا بارىسىندا الەۋمەتتىك سۇحباتتار مەن ساۋالنامالار الىنىپ, سىبايلاس جەمقورلىققا قارسى اقپاراتتىق پاراقشالار تاراتىلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى