پرەزيدەنت ن.نازارباەۆ ءوزىنىڭ بيىلعى جولداۋىندا قازاقستاننىڭ قول جەتكىزگەن تابىستارىن سارالاي كەلىپ, ەلدىڭ ءوندىرۋشى كۇشىن جاڭعىرتۋ باعىتىنداعى نەگىزگى مىندەتتەردى اتاپ كورسەتتى.
جولداۋدا يننوۆاتسيالىق ەكوجۇيە جەتىستىگىنىڭ نەگىزگى فاكتورى رەتىندە ەكونوميكانىڭ ناقتى سەكتورىنداعى جاڭا تەحنولوگياعا سۇرانىس پەن جەكە نارىقتى قارجىلاندىرۋ ماسەلەسى ورىندى كوتەرىلگەن. نۇرسۇلتان نازارباەۆ ءتورتىنشى ونەركاسىپتىك رەۆوليۋتسيانىڭ اياسىندا جۇمىستى قايتا جانداندىرۋ ءۇشىن ادام كاپيتالىنا باسىمدىق بەرىپ وتىر. ماسەلەن, ەڭبەك ونىمدىلىگىن ايتارلىقتاي جوعارىلاتۋ ماقساتىندا ەگىندى ەگۋ مەن جيناپ الۋدىڭ ءتيىمدى مەرزىمىن زاماناۋي تەحنولوگيالار ارقىلى انىقتاپ, «اقىلدى سۋارۋ», مينەرالدى تىڭايتقىشتاردى جانە ءارامشوپ وتاۋدى ينتەللەكتۋالدى جۇيە ارقىلى جۇزەگە اسىرۋ قاجەتتىگى ناقتى ايتىلعان.
مەملەكەتتىك باسقارۋ مەكەمەلەرى ەلدى جاڭعىرتۋ بارىسىندا ءوز تاريحىن, ءتىلىن, مادەنيەتىن بىلەتىن ادامداردىڭ قوعامىن قالىپتاستىرۋدى جۇزەگە اسىرۋى ءتيىس. وسى ورايدا ايتا كەتۋ كەرەك, ءاربىر قازاقستاندىق شەتەل تىلدەرىن مەڭگەرىپ, زاماناۋي جانە جاھاندىق كوزقاراسقا يە بولۋى قاجەت.
نەگىزىندە, پرەزيدەنت ن.نازارباەۆتىڭ بيىلعى جولداۋىندا قازاقستاندىق قوعام مەن مەملەكەتتىڭ كەلەشەكتەگى دامۋ باعىتى ايقىن كورسەتىلگەن. بۇل ءوز كەزەگىندە ەلدىڭ ۋاقىت تالابىنا ساي دامۋىنا مۇمكىندىك بەرەدى.
الەكساندر بايچوروۆ, فيلوسوفيا عىلىمدارىنىڭ دوكتورى, پروفەسسور (بەلارۋس)