الماتىدا «جاھاندانۋ داۋىرىندەگى تسيفرلىق كۇن ءتارتىبى» اتتى ەۋرازيالىق ەكونوميكالىق وداق فورۋمى ءوتىپ جاتىر. القالى جيىن اياسىندا ەلىمىزدىڭ اقپارات جانە كوممۋنيكاتسيالار ءمينيسترى داۋرەن اباەۆ ارنامىزعا ارنايى سۇحبات بەردى.
جاۋاپتى ۆەدومستۆو باسشىسى فورۋمنىڭ ءمان-ماڭىزىنا توقتالىپ, وعان پرەمەر-مينيستر باقىتجان ساعىنتاەۆپەن قوسا بىرنەشە مەملەكەتتىڭ ۇكىمەت باسشىلارى قاتىسىپ جاتقانىن اتاپ ءوتتى.
داۋرەن اباەۆ اسىرەسە جاھاندىق دەڭگەيدەگى بۇل باسقوسۋدىڭ وسىدان ءبىر جىل بۇرىن مەملەكەت باسشىسى نۇرسۇلتان نازارباەۆ پەن رەسەي پرەزيدەنتى ۆلاديمير ءپۋتيننىڭ ورتاق شەشىمىنە ساي وتكىزىلىپ وتىرعانىن ەسكە سالدى. سوندىقتان ءدال وسى جيىن ارقىلى ەۋرازيالىق ەكونوميكالىق وداق ەلدەرىن كەشەندى تسيفرلاندىرۋ باستاۋ الۋى ءتيىس. ءمينيستردىڭ ايتۋىنشا, ەۋرووداقتا وندىرىسكە تىڭ تەحنولوگيالاردى ەنگىزۋ 400 ملرد دوللارعا تەڭ پايدا اكەلگەن. ەگەر قازاقستان, رەسەي, قىرعىزستان, بەلارۋس, ارمەنيا سەكىلدى ينتەگراتسيالىق ۇيىم مۇشەلەرى جاڭاشىلدىقتى جان-جاقتى ەنگىزە بىلسە مول تابىسقا كەنەلۋى مۇمكىن.
- بۇل جەردە ايتايىن دەگەنىم: قازاقستاننىڭ استاناسىن قازىرگى استانا قالاسىنا كوشىرۋ ماسەلەسى, ينۆەستيتسيا تارتۋ ماسەلەسى بويىنشا, ەلىمىزگە قانشا ينۆەستيتسيا كەلدى, يندۋستريالدى باعدارلامانى ىسكە اسىرۋ, قانشا جۇمىس ورنى اشىلدى, دەليميتاتسيالاۋ ماسەلەسى, مەملەكەتتىك شەكارانى نىق ورناتۋ. وسىنىڭ بارىنە كەزىندە كەيبىر قازاقستاندىقتار ونشا سەنىڭكىرەمەي قاراپ ەدى. قازىر سونىڭ ءبارىنىڭ ناتيجەسىن كورىپ وتىرمىز. وسى باعدارلاما دا, فورۋم دا تىكەلەي ەلباسىنىڭ تاپسىرماسى بويىنشا ورىندالىپ جاتىر, دەدى اقپارات جانە كوممۋنيكاتسيالار ءمينيسترى داۋرەن اباەۆ.