«بايتەرەك» ۇلتتىق باسقارۋشى حولدينگى» اق باسقارماسىنىڭ شەشىمىمەن نۇرجان نۇرلانوۆ «بايتەرەك» حولدينگىنىڭ باسقارۋشى ديرەكتورى بولىپ تاعايىندالدى, دەپ حابارلايدى حولدينگتىڭ ءباسپاسوز قىزمەتى.
نۇرلانوۆ نۇرجان نۇرلان ۇلى ق.ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىن مۇناي-گاز ءىسى ماماندىعى بويىنشا ءبىتىرىپ, تەحنيكا جانە تەحنولوگيا باكالاۆرى دارەجەسىن, ۇلىبريتانياداعى American InterContinental University-ءدى بيزنەس-اكىمشىلەندىرۋ ماماندىعى بويىنشا ءبىتىرىپ, باكالاۆر دارەجەسىن, ۋەلس ۋنيۆەرسيتەتىن ءبىتىرىپ, ماركەتينگ ماماندىعى بويىنشا ماگيستر دارەجەسىن الىپ شىققان, ەكونوميكا عىلىمدارىنىڭ كانديداتى.
«KAZNEX INVEST» ەكسپورت جانە ينۆەستيتسيالار جونىندەگى ۇلتتىق اگەنتتىگى» اق-دا مەنەدجەر, ينۆەستيتسيالىق ىنتىماقتاستىق دەپارتامەنتىنىڭ ديرەكتورى, وڭىرلىك ىنتىماقتاستىق قىزمەتىنىڭ باسقارۋشى ديرەكتورى بولىپ قىزمەت ەتكەن. قر پرەمەر ءمينيسترىنىڭ كانتسەليارياسىندا جەرگىلىكتى دامۋ ءبولىمىنىڭ ەكسپەرتى (2012-2013), «قازترانسگاز ايماق» اق فينانس جونىندەگى باسقارۋشى ديرەكتورى (2013-2014), «قازترانسگاز» اق گاز ماركەتينگى جونىندەگى باسقارۋشى ديرەكتورى (2014-2015), «قازترانسگاز» اق ماركەتينگ جانە كوممەرتسيا جونىندەگى باسقارۋشى ديرەكتورى (2015-2016), «قازترانسگاز» اق باس ديرەكتوردىڭ تەحنيكالىق ساياسات جونىندەگى ورىنباسارى (2016-2018) لاۋازىمدارىن اتقارعان.