بۇكىلالەمدىك بوكس كەڭەسىنىڭ (WBC), بۇكىلالەمدىك بوكس قاۋىمداستىعىنىڭ (WBA), حالىقارالىق بوكس فەدەراتسياسىنىڭ (IBF) جانە حالىقارالىق بوكس ۇيىمىنىڭ (IBO) نۇسقاسى بويىنشا الەم چەمپيونى قازاقستاندىق گەننادي گولوۆكين «بوكس اڭىزدارى» سىيلىعىنىڭ «جىل بوكسشىسى» اتالىمىندا جەڭىمپاز بولدى, دەپ حابارلايدى قازاقپارات.
ماراپاتتاۋ ءراسىمى سوچيدەگى حالىقارالىق بوكس فورۋمى اياسىندا ءوتتى. «جىل جەكپە-جەگى» اتالىمىنا گولوۆكين مەن مەكسيكالىق ساۋل الۆارەس اراسىنداعى ايقاس لايىق دەپ تانىلدى. «جىلدىڭ ايلا-ءتاسىلى ەڭ مىقتى بوكسشىسى» اتالىمى ۆەنەسۋەلالىق حورحە لينارەسكە بۇيىردى. «جىل ادامى» اتالىمىن حالىقارالىق بوكس قاۋىمداستىعى (AIBA) باسشىلارىنىڭ ءبىرى فرانكو فالچينەللي جەڭىپ الدى.