جاقىن كۇندەرى الماتى وبلىسىنداعى ءتارتىپ ساقشىلارىنىڭ قاتارى «باقىت» ەسىمدى روبوت-پوليتسەيمەن تولىعۋى مۇمكىن. قازىر قۇقىق سالاسىنىڭ قىزمەتكەرلەرى تەحنيكا ماماندارىمەن بىرلەسىپ, «جاڭا قىزمەتكەردىڭ» اتقاراتىن مىندەتتەرىن تالقىلاۋعا كىرىسىپ كەتتى.
ارنايى باعدارلاماسىنا «اقىل-ويدىڭ» سوڭعى ۇلگىدەگى مۇمكىندىكتەرى ورناتىلعان «تەمىر قىزمەتكەر» ءتارتىپ ساقشىلارىنا تاپتىرماس كومەكشى بولماقشى. «باقىتتىڭ» مىندەتىنە ادامداردى سۋرەتى مەن بەينەسىنە قاراپ انىقتاما بەرۋ, بيومەتريالىق اقپاراتتار ارقىلى تانۋ مەن كەز كەلگەن ادامعا قاجەتتى كەڭەس ايتۋ جاتادى.
روبوت-پوليتسەيدىڭ «دۇنيەگە كەلۋى» ەلىمىزدە كەڭىنەن قولدانىسقا ەنگىزىلىپ جاتقان «جاساندى اقىل-وي» باعدارلاماسىنىڭ كەزەكتى جەمىسى. بۇعان دەيىن استانا قالاسىنداعى «قازپوشتا» اق باس عيماراتىندا روبات-كەڭەسشىلەر «جۇمىسقا» كىرىسكەن ەدى. ەندى «قۋانىش» پەن «ساۋلە» ەسىمدى اقىلدى روبوتتاردىڭ تاعى ءبىر «تۋىسى» تالدىقورعاندا «پوليتسيا قىزمەتكەرى» اتانىپ جاتىر.
قالماحانبەت مۇقامەتقالي,
«ەگەمەن قازاقستان»
الماتى وبلىسى