«ازىرەت سۇلتان» مەملەكەتتىك تاريحي-مادەني قورىق-مۋزەيى قىزمەتكەرلەرى تۇركىستان قالاسىنداعى ءبىلىم ۇيالارىندا «ىرىسى تاسىعان ىدىستار» تاقىرىبىندا كورمە ۇيىمداستىردى.
مۋزەي قىزمەتكەرلەرىنىڭ ايتۋىنشا, نەگىزگى ماقسات – ەلباسى ن.نازارباەۆتىڭ «بولاشاققا باعدار: رۋحاني جانعىرۋ» باعدارلامالىق ماقالاسىندا كورسەتىلگەندەي, جاس ۇرپاقتى رۋحاني, تاريحي مۇرالاردىڭ قۇندىلىقتارىمەن تانىستىرۋ جəنە قادىرلەپ, قاستەرلەۋگە شاقىرۋ. كورمەگە مۋزەي قورىنان XVIII-XX عاسىرلارعا جاتاتىن ەتنوگرافيالىق جادىگەرلەر توپتاماسىنان: قۇمان, قازان, كوزە, قۋمان-ساماۋرىندار ورنالاستىرىلعان. قورىق-مۋزەي ماماندارى وقۋشىلارعا اتا-بابالارىمىز قولدانعان ىدىستاردىڭ اربىرىنە قاتىستى تەرەڭ ماعلۇمات بەرىپ, ءتۇسىندىردى. تاريحي ءمəنى تەرەڭ دۇنيەلەرگە بالالار دا قىزىعىپ, كوبىرەك بىلگىسى كەتەلىندەرىن بايقاتۋدا.
اتالعان باعىتتاعى كورمەلەر الداعى ۋاقىتتا دا جالعاسىن تاپپاق. جىل باسىنان بەرى تۇركىستان قالاسىندا اتالعان كورمە اياسىندا 15-كە جۋىق كەزدەسۋلەر ۇيىمداستىرىلسا, جوبانى رەسپۋبليكالىق, وبلىستىق دەڭگەيدە دە جۇزەگە اسىرۋ جوسپارلانۋدا.
ايتا كەتەلىك, تۇركىستان قالاسىنا وتكەن جىلى زيارات ەتىپ, تاريحي-مادەني ەسكەرتكىشتەردى تاماشالاۋعا 1 090 755 ازامات كەلگەن. ونىڭ 18 مىڭى شەتەلدىك تۋريستەر. ولار نەگىزىنەن قوجا احمەت ياساۋي, ۇكاشا اتا, گاۋحار انا كەسەنەلەرى جانە ساۋران قالاشىعىنا ەرەكشە قىزىعۋشىلىق تانىتقان.
عالىمجان ەلشىباي, «ەگەمەن قازاقستان»