وبلىس ورتالىعىنا قاراستى كەنجەكول اۋىلى ماڭىندا, «قاراعاندى - وسكەمەن» باعىتىنداعى جولاۋشىلار اۆتوبۋسى 22-قاڭتار كۇنى جولدا تۇرىپ قالدى.
جەرگىلىكتى توتەنشە جاعدايلار دەپارتامەنتىنىڭ حابارىنشا, ازاماتتىق قورعانىس ءبولىمى مەن وبلىس اكىمدىگى دە بىرلەسىپ قاتتى اياز سالدارىنان جولدا قالعان 25 جولاۋشىنى مەكتەپكە ورنالاستىردى. بارلىعى ىستىق تاماقپەن جانە جاتاتىن ورىنمەن قامتاماسىز ەتىلدى. جولاۋشىلارعا وسكەمەنگە جەتۋ ءۇشىن پويىزعا بيلەتتەر ساتىپ الىپ بەردى. اۆتوبۋس جوندەۋ جۇمىستارىن جۇرگىزۋ ءۇشىن جىلى ورىنعا جەتكىزىلدى.
وبلىستىق تجد حابارىنشا, رەسەيگە جارىسقا بارعان جەرگىلىكتى «ەرتىس» بالالار حوككەي كومانداسى دا جولدا قالعان. قاتتى ايازدا اۆتوبۋس ىستەن شىققان. كوماندا مۇشەلەرى التاي ولكەسىندەگى ستەپنوە اۋىلىندا جاتاقحاناعا ورنالاسادى. كەشە 22-ءشى قاڭتار كۇنى ءبىزدىڭ جەرگىلىكتى حوككەيشى بالالار دا امان-ەسەن ءوڭىردىڭ پوليتسيا قىزمەتى مەن توتەنشە جاعدايلار باسقارماسىنىڭ كومەگىمەن ۇيلەرىنە ورالدى.
فاريدا بىقاي, «ەگەمەن قازاقستان»