التايدا ساقىلداعان سارى اياز. «كارى قۇدانىڭ» سالعان الەگىنەن وڭىردەگى مەكتەپتەر مەن كوللەدجدەردە ساباق توقتاتىلدى.
كەشە وبلىستىڭ 12 اۋدانى مەن وسكەمەن, سەمەي, كۋرچاتوۆ قالالارىندا قاتتى ايازعا بايلانىستى وقۋشىلار ساباقتان بوساتىلدى. 22 قاڭتار كۇنى وسكەمەن, سەمەي, ريددەر قالالارى مەن گلۋبوكوە, اياگوز اۋدانداردا ءبىرىنشى اۋىسىمدا وقيتىن 1-9, كوكپەكتى, اباي جانە كاتونقاراعاي اۋداندارىندا 1-4-سىنىپ وقۋشىلارى مەكتەپكە بارعان جوق. ال اۋا تەمپەراتۋراسى -35 گرادۋسقا دەيىن تومەندەگەن زىريان, شەمونايحا, بورودۋليحا, جارما, بەسقاراعاي اۋداندارى مەن كۋرچاتوۆ قالاسىنداعى ءبىلىم وشاقتارىندا ءبىرىنشى اۋىسىمداعى 1-11-سىنىپتاردىڭ وقۋشىلارى مەن كوللەدجدىڭ 1-2 كۋرس ستۋدەنتتەرى جوسپارسىز دەمالۋعا ءماجبۇر بولدى.
بۇگىن دە وسكەمەن, سەمەي, ريددەر, كۋرچاتوۆ قالالارى مەن ايماقتىڭ 15 اۋدانىنىڭ مەكتەپتەرىنىڭ 1-11 سىنىپ وقۋشىلارى مەن كوللەدجدىڭ 1-2 ستۋدەنتتەرى ساباققا بارا المادى. سىناپ باعاناسى قازىر وڭىردە – 27 (زايسان اۋدانى) مەن – 45-ءتىڭ (بەسقاراعاي اۋدانى) ارالىعىن كورسەتىپ تۇر. نەگىزىنەن ءتۇن بالاسىندا كارىنە مىنەتىن سارشۇناق اياز اسىرەسە بورودۋليحا (- 42), شەمونايحا (- 40), گلۋبوكوە, جارما (-38), زىريان, تارباعاتاي (- 37), ۇلان, اباي, اياگوز (-36) اۋداندارى مەن سەمەي (-39), ريددەر, كۋرچاتوۆ (-38) قالالارىندا بەت قاراتپاي تۇر.
ازامات قاسىم, «ەگەمەن قازاقستان»