«تۇمار» بايگەسىنە وتىنىمدەر قابىلداۋ باستالدى

بايقاۋعا 2017 جىلى ەفيرگە شىققان بىرەگەي تەلەديدارلىق جوبالار قاتىسا الادى. جۇلدە­گە ۇلتتىق جانە ايماقتىق تەلەۆيزيا­لىق كومپانيا­لار, ستۋديالار, پرو­ديۋسەر­لىك ورتالىقتار جانە تەلە­ديدارلىق كونتەنت شىعاراتىن باس­قا دا مەديا-يندۋستريا مەكەمە­لەرى ۇمىتكەر بولا الادى.

ۇمىتكەرلەردىڭ وتىنىمدەرى 1 ناۋ­­­رىز­­عا دەيىن قابىلدانادى.

بيىلعى جىلى جەڭىمپازدار كەلەسى نوميناتسيالار بويىنشا­ انىق­تالادى: ۇزدىك دەرەكتى فيلم, ۇز­دىك تەلەحيكايا, ۇزدىك الەۋمەت­تىك جوبا, ۇزدىك اقپاراتتىق باعدار­لاما, ۇزدىك ايماقتىق تەلەارنا, ۇزدىك ءبىلىم بەرۋ باعدارلاماسى, تەلە­ۆيزيالىق ماۋسىمنىڭ ۇزدىك وقي­عاسى, «تەلەۆيزياعا 60 جىل» – تەلەۆيزيا دامۋىنا قوسقان ۇلەسى ءۇشىن جانە ۇزدىك ويىن-ساۋىق جوباسى.

سونىمەن قاتار, ۇزدىك رەجيس­سەرلىك جۇمىسقا, ۇزدىك وپەراتورلىق جوبا ءۇشىن, جىلدىڭ ۇزدىك تەلە­جۇرگىزۋشىسىنە جانە ۇزدىك تەلەجۋر­ناليسكە دە ارنايى جۇلدەلەر تا­عايىن­دالعان. ەلىمىزدىڭ باس قالاسىنىڭ 20 جىلدىق مەرەيتويى­نا ارنالىپ «استانا تۋرالى ۇزدىك جوبا» نوميناتسياسى بو­يىنشا جۇلدە بەرىلەدى.

لاۋرەاتتاردى ۇسىنىلعان ماتە­ريال­داردىڭ ساراپتامالىق قورى­تىن­دىلارى نەگىزىندە جۇرگىزىلەتىن قازىلار القاسىنىڭ جابىق تۇردە داۋىس بەرۋى انىقتايدى. قازى­لار القاسى قازاقستاندىق تەلەۆي­زيانىڭ بىلىكتى ماماندارىنان قۇرالادى.

«تۇمار» ۇلتتىق تەلەۆيزيا­لىق بايگەسى قازاقستان رەسپۋبليكا­سىنىڭ اقپارات جانە كوممۋنيكا­تسيالار مينيسترلىگى تاراپىنان ەلىمىزدىڭ ەڭ جوعارى ساپالى جانە زاماناۋي تەلەديدارلىق ماز­مۇنىن انىقتاۋ, تالانتتى ماماندار­دى قولداۋ, وتاندىق تەلەۆيزيا ماز­مۇنىن جەتىلدىرۋگە جانە قازاق­ستان­دىق جوعارى ساپالى تەلەديداردى دامىتۋعا ىنتالاندىرۋ ماقساتىندا قۇرىلعان.

بايگە ۇيىمداستىرۋشىسى – «قاز­مەديا ورتالىعى».

تولىق اقپارات ارنايى سايتتا: http://tumar.kz

اقپارات جانە كوممۋنيكاتسيالار مينيسترلىگى ءباسپاسوز قىزمەتى