مەملەكەت باسشىسى نۇرسۇلتان نازارباەۆتىڭ 2018 جىلعى 10 قاڭتارداعى قازاقستان حالقىنا جولداۋى 1997 جىلدان باستاپ ەسەپتەگەندە جيىرما ءبىرىنشى جولداۋ ەكەن.
وسىنشا ۋاقىتتان بەرى رەسپۋبليكانىڭ ءبىرىنشى تۇلعاسىنىڭ ەكونوميكالىق جانە الەۋمەتتىك سالاداعى جەتكەن جەتىستىكتەردى قامتيتىن جانە ناقتى كورسەتكىشتەرىمەن بەكىتىلەتىن, سونداي-اق ءارى قارايعى قىسقامەرزىمدى, ورتامەرزىمدى, ۇزاقمەرزىمدى باسىمدىقتار مەن جوسپارلار, باعىت-باعدارلارعا بەيىمدەلگەن حالىق الدىنداعى ەسەپ بەرۋى ءداستۇرلى تۇردە ءوتىپ كەلەدى.
بيىل بۇل قۇجات دامىعان ەلدەردە ورىن الىپ جاتقان ءتورتىنشى ونەركاسىپتىك رەۆوليۋتسياعا باعىتتالدى. قازاقستان دا وسى ۇدەرىستىڭ ۇدەسىنەن تابىلۋى ءتيىس. ەڭ ماڭىزدىسى, بۇل جوسپار ءبىر جاعىنان ۇلتتىق دامۋ يدەولوگياسىن جان-جاقتى قامتىسا, ەكىنشى جاعىنان العاندا جوسپارلى كەلەشەكتى جۇزەگە اسىرۋدى قامتاماسىز ەتۋگە, ونى ناقتى رەسۋرستار جۇيەسىمەن بەكىتۋگە وزەك بولىپ وتىر. 2025 جىلعا دەيىنگى قازاقستان رەسپۋبليكاسىن دامىتۋدىڭ ستراتەگيالىق جوسپارى مەن «قازاقستان-2050» ستراتەگياسى وتە ماڭىزدى باعدارلامالىق قۇجاتتار ەكەنى بەلگىلى. بيىلعى جولداۋ وسى باعدارلامالاردى ورىنداۋ تەتىكتەرىن بايىتا ءتۇستى.
جولداۋدا ون نەگىزگى باسىمدىق ايتىلدى. سونىڭ ىشىندە جاڭا تەحنولوگيالاردى ەنگىزۋ, يننوۆاتسيالىق ورتالىقتار مەن تەحنولوگيالار ترانسفەرتىن قۇرۋ, قازاقستاندىق ونەركاسىپتىك كاسىپورىنداردى تسيفرلاندىرۋ, مەنشىكتى ەكوجۇيەنىڭ تسيفرلاندىرىلعان جانە باسقا دا يننوۆاتسيالىق شەشىمدەرىن تابۋ, ءىت مەن ينجيرينگتىك قىزمەتتى دامىتۋعا نەگىزدەلگەن يندۋستريالاندىرۋ ماقساتىنا باسىمدىق بەرىلىپ وتىر.
سونىمەن بىرگە ونەركاسىپتىڭ يننوۆاتسيالىق دامۋى شەڭبەرىندە الەۋمەتتىك تاۋەكەلدەردىڭ تۋىنا بايلانىستى ماسەلەلەردى دە ەسەپكە الۋىمىز كەرەك. ماسەلەن, اۋقىمدى جۇمىس كۇشى جۇمىس ورنىنان بوساۋى مۇمكىن. وسى رەتتە ولاردى ەڭبەككە ورنالاستىرۋ ساياساتىن دامىتۋ ۇدەرىسىن قالىپتاستىرۋ قاجەتتىلىگى بايقالادى.
ون مىندەتتىڭ بارلىعى ءبىر-بىرىمەن تىعىز بايلانىستى. بۇل رەتتە ادام كاپيتالىن جاڭعىرۋدىڭ نەگىزى رەتىندە دامىتۋعا ارقا سۇيەگەن ابزال.
گاگيك ارۋتيۋنيان, «نوراۆانك» عىلىم-ءبىلىم قورىنىڭ ديرەكتورى
ەرەۆان (ارمەنيا)