ەلەكتروندى قىزمەت – حالىققا ەڭ قولايلى ءتاسىل

جۋرناليستەرگە مەملەكەتتىك قىزمەت كورسەتۋدى ەلەكتروندى فورماتقا كوشىرۋ جونىندە تو­لىققاندى مالىمەت بەرگەن اق­­پارات جانە كوممۋنيكاتسيا­لار ۆيتسە-ءمينيسترى قايرات با­لىق­باەۆ ەلەكتروندى ۇكىمەت پور­تالىنىڭ دامۋى مەن «ازا­مات­تارعا ارنالعان ۇكىمەت» مەم­لەكەتتىك كورپوراتسياسىنىڭ قىز­مەتىن جەتىلدىرۋگە ەرەكشە ماڭىز بەرىلىپ وتىرعانىن جەتكىزدى. «بۇل – مەملەكەتتىك قىزمەتتەردى حالىققا قولايلى, قولجەتىمدى ەتۋدىڭ ەڭ ىڭعايلى جولى. قازىرگى تاڭدا 746 مەملەكەتتىك قىزمەتتىڭ 621 ءتۇرى, ياعني 83 پايىزدان استامى «ازاماتتارعا ارنالعان ۇكىمەت» جۇيەسىنە وتكىزىلگەن. ەلەكتروندى ۇكىمەت ينفراقۇرىلىمى ارقىلى بۇگىندە 452 مەملەكەتتىك قىزمەت كورسەتىلەدى», دەدى ۆيتسە-مينيستر.

مينيسترلىك مەملەكەتتىك قىزمەتتەردى وڭتايلاندىرۋ, ولار­دى ەلەكتروندى فورماتقا كوشى­رۋ جۇمىستارىن ءالى دە دامى­تا تۇسپەك. وسىعان بايلا­نىستى بىلتىردىڭ وزىندە جۇرت­شىلىققا ىڭعايلى بىرقاتار جوبالار ىسكە اسقان ەكەن. مىسالى, وتكەن جىلى بالا تۋعا بايلانىستى كورسەتىلەتىن مەم­لەكەتتىك قىزمەتتەر پرواكتيۆتى ءتاسىل ار­قى­لى وڭتايلاندىرىلعان. بۇل جو­باعا سايكەس جاڭا بوسانعان ايەل بۇرىنعىداي حالىققا قىز­مەت كورسەتۋ ورتالىقتارىنا كەلىپ جاتپاي-اق, تەلەفون ارقى­لى ءسابيىن تىركەتىپ, تۋ تۋرا­لى كۋالىكتى جاساتىپ, بالاباق­شاعا كەزەككە قويىپ, ءتىپتى نارەس­تەنىڭ ومىرگە كەلۋىنە بايلا­نىس­تى بەرىلەتىن ءتيىستى جاردەم­اقى­نى رەسىمدەگەن. ۆيتسە-ءمينيس­تر­دىڭ ايتۋىنشا, بۇل جەردە حا­لىق مەملەكەتتىك قىزمەتكە جۇ­گىن­بەيدى, مەملەكەتتىك ورگاندار تيە­سىلى قىزمەتتى ۇسىنىپ, حالىققا وزدەرى شىعادى. ايتالىق, بۇگىنگى تاڭدا ءتيىستى ماماندار جاڭا بو­سانعان 11 590 ايەلگە وزدەرىنە تيەسىلى قىزمەتتى الۋ جونىندە SMS-حابارلاما جولداعان ەكەن. ولاردىڭ 4 مىڭعا جۋىعى حابار­لاما بويىنشا پرواكتيۆتى تاسىلگە جۇگىنگەن. وسىلايشا, 715 تۋ تۋرالى كۋالىك بەرىلىپ, 261 نارەستە بالاباقشاعا كەزەككە قويىلعان. 

بۇعان قوسا, قازىر مينيسترلىك مەملەكەتتىك قىزمەتتەردى ەلەكتروندى تسيفرلى قولتاڭباسىز كور­سەتۋ جونىندەگى شارالاردى قول­عا العان. قازىردىڭ وزىندە ەتسق-سىز 30 ەلەكتروندى قىزمەت ءتۇرىن الۋعا بولادى.

بريفينگكە قاتىسقان «ازا­ماتتارعا ارنالعان ۇكىمەت» مەملەكەتتىك كورپوراتسياسىنىڭ باس­قارما توراعاسى ابىلايحان وس­پانوۆ ەلىمىزدە جىل سايىن 37 ملن-نان استام مەملەكەتتىك قىز­مەت كورسەتىلسە, ولاردىڭ 24 ملن-عا جۋىعى ەلەكتروندى فورماتتا ەكەنىن اتاپ ءوتتى. قازىرگى تاڭ­دا كەز كەلگەن مەملەكەتتىك قىز­مەتتى ۋاقتىلى كورسەتۋ قاتاڭ باقىلاۋعا الىنعان. وسى جۇ­مىس­تاردى رەتتەپ وتىراتىن ارنايى احۋالدىق ورتالىق اشىل­عان. سون­داي-اق اقپاراتتىق اشىق­تىق­تى قامتاماسىز ەتۋ ماق­سا­تىندا مەملەكەتتىك كورپورا­تسيا ۆەب-سايت فورۋمى ىسكە قو­سى­لىپ, حالىقپەن كەرى بايلانىس ور­ناتۋ, قىزمەت كورسەتۋ سا­پا­سىن جاقسارتۋ ماقساتىندا ۇسى­نىس­تاردى قابىلداي باستاعان. ا.وس­پانوۆتىڭ ايتۋىنشا, فورۋمدا تالقىلانعان ماسەلەلەر, كەز كەلگەن ازامات تاراپىنان جاسالعان ەسكەرتۋلەر نازاردان تىس قالماي, مۇنىڭ ءبارى سالانى جەتىلدىرۋ بارىسىندا ەسكەرىلەتىن بولادى. 

جيىندا «ۇلتتىق اقپارات­تىق تەحنولوگيالار» اق باس­قار­ما توراعاسىنىڭ ورىنباسارى بوتاگوز قاسابەك جولداۋدا اتالعان ء«بىر ءوتىنىش» قاعيداسى بو­يىنشا كە­شەندى قىزمەت كور­سەتۋگە كو­شۋگە مۇمكىندىك بەرەتىن اقپاراتتىق جۇيەلەردى ينتەگراتسيالاۋ تۋرالى ايتىپ بەردى. ونىڭ ايتۋىنشا, بۇگىندە ەلەكتروندى ۇكىمەت پورتالى 237 قىزمەت كورسەتۋ مەن سەرۆيستى, eLicense.kz ەلەكتروندى ليتسەنزيالاۋ پورتا­لى 440 اۆتوماتتاندىرىلعان قىز­مەت الۋدى ۇسىنىپ وتىر. ولار­دىڭ ىشىندە بيزنەستى تىركەۋ جانە دامىتۋ, ليتسەنزيالاۋ, سالىق­تار, بانك ءىسى, سۋبسيديالاۋ سىندى ونلاين-قىزمەتتەر بار.

قىزمەتتەردى ەلەكتروندى فورمات­قا كوشىرۋگە بايلانىستى حالىق­تىڭ ۋاقىتى ۇنەمدەلىپ, قاعاز­باس­تىلىق ازاي­عانىن اتاپ وت­كەن ب.قاسابەك وڭتاي­لاندى­رۋ­دىڭ ارقاسىندا بيزنەستى ونلاين تىركەۋ دە جەڭىلدەگەنىن ايتا­دى. ول كەلتىرگەن مالىمەتكە سۇيەن­سەك, ەgov ارقىلى 2012 جىلدان باس­تاپ 177 824-تەن استام كومپانيا اشىلسا, بىلتىر 48 367-دەن استام زاڭدى تۇلعا تىركەلگەن.

قىمبات توقتامۇرات, «ەگەمەن قازاقستان»