بۇگىن, اۋعانستان استاناسى كابۋلدەگى ينتەركونتينەنتال قوناقۇيىندە تەررورلىق شابۋىل بولىپ, 14 شەتەل ازاماتى جانە ءتورت اۋعانستان ازاماتى كوز جۇمدى, دەپ حابارلايدى BBC.
كۋاگەرلەردىڭ ايتۋىنشا, تەرروريستەر شەتەلدىك ازاماتتاردى كوزدەگەن. ىشكى ىستەر ءمينيسترى قاۋىپسىزدىك قىزمەتىن جەكە كومپانياعا تاپسىرۋ تۋرالى جاقىن ارادا قابىلدانعان شەشىمنىڭ قاتە بولعاندىعىن ايتتى.
اۋعان اسكەرى تەرروريستەرمەن ءتۇنى بويى ارپالىسىپ, 160 ادامدى امان الىپ قالدى.
تورۋىل كەزىندە ءۇش قىلمىسكەر ولتىرىلگەن. ون ادام جاراقات العان. سونىڭ تورتەۋى قاراپايىم ادامدار.
كابۋل پوليتسياسى BBC باسىلىمىنا حابارلاعانداي, 9 ۋكرايندىق, ءبىر گەرمانيالىق, ءبىر گرەكيالىق جانە ءبىر قازاق ازاماتىنىڭ قايتىس بولعانى راستالعان. تاعى ەكەۋى جەكە مالىمەتتەرى انىقتالۋدا.