قازاقستاندىق شاڭعىشى الەكسەي پولتورانين سلوۆەنيادا ءوتىپ جاتقان الەم كۋبوگى كەزەڭىندە جەڭىمپاز اتاندى.
الەكسەي پولتورانين كلاسسيكالىق ادىسپەن 15 كم قاشىقتىقتا مارەگە ءبىرىنشى بولىپ جەتتى. ەكىنشى ورىن العان نورۆەگيالىق يوحاننەس حوەسفليوت كلەبو الەكسەيدەن 13,2 سەكۋندقا قالىپ قويدى. ا.پولتورانيننەن 42,8 سەكۋندقا كەيىن كەلگەن شۆەتسيالىق كاللە حالۆارسسون ۇزدىك ۇشتىككە جايعاستى.
وتانداسىمىز وسىمەن قىسقى وليمپيادا قارساڭىنداعى ماۋسىمدىق ءجارىستاردا تورتىنشى رەت جۇلدەگە يە بولدى. وسىعان دەيىن ول 17 جەلتوقسان كۇنى يتاليانىڭ توبلاح قالاسىندا الەم كۋبوگى كەزەڭىندە 15 كم قاشىقتىقتا كلاسسيكالىق تاسىلمەن ىزگە ءتۇسىپ جارىسۋدا ءۇشىنشى ورىن السا, لەنتسەرحايدەدە (شۆەيتساريا) «تۋر دە سكي» كەزەڭىندە كلاسسيكالىق ادىسپەن 15 كم قاشىقتىقتا جۇگىرۋدە كۇمىس جۇلدەگەر اتاندى. سونداي-اق يتاليانىڭ ۆال-دي-فەممە قالاسىندا 6 قاڭتار كۇنى «تۋر دە سكي» كەزەڭىندە 15 كم قاشىقتىقتا كلاسسيكالىق ادىسپەن چەمپيون اتانعان ەدى.