وقو تاريحي-ولكەتانۋ مۋزەيىندە «قوعامدىق سانانى جاڭعىرتۋدى جۇزەگە اسىرۋداعى مۋزەيلەردىڭ ءرولى» اتتى سەمينار بارىسىندا ۇرپاققا مۇرا قۇندى دەرەككە باي, " ۇلى جىبەك جولى بويىنداعى كونە قالالار" دەرەكتى ءفيلمىنىڭ تۇساۋكەسەر ءرəسىمى ءوتتى.
بۇل ءفيلمدى "ساق" كينوستۋدياسى "وڭتۇستىكفيلمنىڭ" جەتەكشىلىگىمەن جانە وڭتۇستىك قازاقستان وبلىسىنىڭ اكىمى ج.تۇيمەباەۆتىڭ يدەياسىمەن يۋنەسكو-نىڭ بۇكىلالەمدىك مۇرالار تىزىمىنە « ۇلى جىبەك جولىنداعى ەسكەرتكىشتەر» نوميناتسياسى بويىنشا وڭتۇستىكتەن ۇسىنىلعان ورتاعاسىرلىق 8 ەسكەرتكىش تۋرالى تۇسىرگەن. فيلم رەجيسسەرى باتىرحان دəۋرەنبەكوۆتىڭ مالىمدەۋىنشە, 25 مينۋتتان تۇراتىن فيلمنىڭ ماقساتى - وڭىردەگى ەجەلگى, تاريحي, كيەلى ورىندارىمەن تانىستىرۋ, ونىڭ پايدا بولۋ تاريحى ارقىلى وتكەن تاريحىمىزدى, مادەنيەتىمىزدى دəرىپتەپ, تابيعاتى اسەم جەرلەردى كورسەتۋ ارقىلى تۋريزم سالاسىن دامىتۋ, دوستىق پەن تاتۋلىقتى كەڭىنەن كورسەتە وتىرىپ, ءوز ەلىنىڭ تاريحىن ۇعىندىرۋ, جاسوسپىرىمدەرگە تاربيە بەرۋ. «ەلباسى ن.نازارباەۆ «بولاشاققا باعدار: رۋحاني جاڭعىرۋ» ماقالاسىندا ەلىمىز بەن جەرىمىزدى, تاريحي مول مۇرالارىمىزدى ساقتاپ قانا قويماي, ناسيحاتتاۋ ارقىلى ۇرپاق ساناسىنا پاتريوتتىق سەزىمدى ءسىڭىرۋ قاجەتتىگىن اتاپ كورسەتتى. وسى ماقساتتا, ەجەلدەن وركەنيەتتىڭ وزەگى بولعان وڭتۇستىك وڭىرىندەگى كونە قالالار بويىنشا دەرەكتى فيلم ءتۇسىرىپ, كوپشىلىككە ۇسىنىپ وتىرمىز», - دەيدى ب.داۋرەنبەكوۆ.
فيلمدە وڭىرىمىزدەگى تاريحي ەسكەرتكىشتەر, كيەلى جەرلەر مەن اسەم تابيعاتقا يە سول زامانداعى ۇلى جىبەك جولى بويىندا ورنالاسقان ساۋران, وتىرار, ارىستانباب, تۇركىستان, قاراسپانتوبە, جۋانتوبە, كۇلتوبە قالاشىقتارى تۋرالى باياندالادى.
عالىمجان ەلشىباي, «ەگەمەن قازاقستان»