تاتارستان رەسپۋبليكاسىنا جۇمىس ساپارى بارىسىندا قىزىلوردا وبلىسىنىڭ اكىمدىگى مەن «يننوپوليس» ەەا جانە وبلىستىق اۋىل شارۋاشىلىعى باسقارماسى مەن «قازان» اگروپاركى اراسىندا بىرلەسكەن جوبالاردى جۇزەگە اسىرۋ بويىنشا ارىپتەستىك تۋرالى مەموراندۋمدارعا قول قويىلدى.
قىزىلوردا وبلىسىنىڭ اكىمى قىرىمبەك كوشەرباەۆ باستاعان دەلەگاتسيا اقپاراتتىق تەحنولوگيالار, اۋىل شارۋاشىلىعى جانە يندۋستريا سالالارىنداعى جوبالاردى جۇزەگە اسىرۋدا تاجىريبە الماسۋ ماقساتىندا تاتارستان رەسپۋبليكاسىنا ىسساپارمەن باردى. دەلەگاتسيا قۇرامىندا مەملەكەتتىك ورگان باسشىلارى جانە وڭىرلىك كومپانيالار مەن مەكەمەلەردىڭ وكىلدەرى بار.
قازان قالاسىنداعى ينۆەستيتسيالار اگەنتتىگىندە تاتارستان رەسپۋبليكانىڭ ەكونوميكالىق الەۋەتى تانىستىرىلدى.
مۇنان كەيىن قىزىلوردالىق دەلەگاتسيا «ەيدوس» مەديتسينالىق عىلىم ورتالىعىنىڭ مەديتسينالىق سيمۋلياتورلاردى شىعاراتىن وڭىرلىك ينجينيرينگ ورتالىعىنىڭ جۇمىسىمەن تانىستى. ورتالىق 2013 جىلى اشىلدى جانە جەتەكشى عىلىمي-وندىرىستىك ۇيىمدارمەن بىرلەسىپ مەديتسينا سالاسىنداعى جوعارى تەحنولوگيالىق زەرتتەۋلەرمەن اينالىسادى.
سونىمەن قاتار, قىزىلوردالىقتار «قازان» اگروونەركاسىپ پاركىنىڭ جۇمىسىمەن تانىستى. زاماناۋي كوپفۋنكتسيونالدى تەحنولوگيالىق كەشەندە «فەرمەردەن تۇتىنۋشىعا دەلدالسىز جەتكىزۋ» قاعيداسىنا نەگىزدەلگەن اۋىلشارۋاشىلىق ونىمدەردى ساتۋ جۇيەسى ەڭگىزىلگەن. بۇل جۇيە وندىرۋشىگە تابىستى بيزنەس جۇرگىزۋ ءۇشىن جاعداي جاساسا, تۇتىنۋشىعا ساپالى ءونىمدى ءتيىمدى باعامەن ساتىپ الۋعا مۇمكىندىك بەرەدى. اگروپارك ايماعىندا اۋىلشارۋاشىلىق ونىمدەرىن وندىرۋشىلەر ونىمدەرىن ءبىر الاڭقاي اياسىندا ساقتاۋعا, وندەۋگە, قاپتاۋعا جانە ساتۋعا بارلىق جاعداي جاسالعان.
سونىمەن قاتار, دەلەگاتسيا مۇشەلەرى ساپاردىڭ نەگىزگى نىسانى - قازان قالاسىنان 40 شاقىرىم قاشىقتىقتا ورنالاسقان «يننوپوليس» ەرەكشە ەكونوميكالىق ايماقتى ارالاپ كوردى. يننوپوليس - ءىت-ماماندار ءۇشىن 2015 جىلى اشىلعان العاشقى رەسەيلىك قالا. «اقىلدى قالا» تۇجىرىمداماسى اياسىندا يننوپوليس تۇرعىندارى جايلى ءومىر ءسۇرۋ ماقساتىندا ينفراقۇرىلىم, بيزنەس, ءبىلىم الۋ, قىزمەت كورسەتۋ جانە تۇرمىستىق نىساندار سالىندى. قازىرگى تاڭدا يننوپوليستە 3 مىڭنان استام ادام تۇرادى جانە 120 كومپانيا, ونىڭ ىشىندە «يننوپوليس» ەەا 56 رەزيدەنتى مەن سەرىكتەسى تىركەلگەن. قىزىلوردالىقتار «يننوپوليس» ۋنيۆەرسيتەتى مەن ليتسەيىنىڭ, پروبلەمالىق زەرتحانالار مەن ەڭگىزىلگەن كورپوراتيۆتىك باسقارۋ قاعيدالارىنا ۇلكەن قىزىعۋشىلىق ءبىلدىردى.
ساپار قورىتىندىسىمەن تاتارستان رەسپۋبليكاسىنىڭ باسشىلىعىمەن كەلىسسوزدەر جۇرگىزىلىپ, وبلىس اكىمى ق.كوشەرباەۆ بىرلەسىپ اتقاراتىن جۇمىستار تۋرالى بايانداپ, قىزىلوردا قالاسىندا كۇزدە وتەتىن «سابانتوي» رەسپۋبليكالىق تاتارلار مەرەكەسىنە قاتىسۋعا شاقىردى.
ء«بىز اقپارات جانە ساندىق تەحنولوگيالار داۋىرىندە ءومىر ءسۇرىپ جاتىرمىز, ال تاتارستان بۇل باعىتتا تەك رەسەيلىك قانا ەمەس, بۇكىل بۇرىنعى كەڭەس وداعىنىڭ اۋماعىندا كوشباسشى سانالادى. مۇندا كوپتەگەن تىڭ جاڭالىقتار كوپ ەكەنىنە يننوپوليس قالاسىنا بارعاندا كوزىمىز جەتتى. تاتارستان پرەزيدەنتى ميننيحانوۆ رۋستام نۇرعالي ۇلىنا ءبىزدىڭ جاستاردى يننوپوليس ۋنيۆەرسيتەتىندە وقىتۋ يدەيامىزدى قولداعانى ءۇشىن العىس بىلدىرەمىز. ءبىز قازىر ارىپتەستىك جونىندەگى بىرلەسكەن جول كارتاسىن ازىرلەۋگە كىرىستىك», - دەدى وبلىس اكىمى ق.كوشەرباەۆ.
تاتارستان رەسپۋبليكاسىنىڭ پرەزيدەنتى رۋستام ميننيحانوۆ قىزىلوردا وبلىسىمەن ارىپتەستىك ورناتۋعا قىزىعۋشىلىق ءبىلدىردى.
«قىزىلوردا وبلىسى بەلسەندى دامىپ, ينۆەستورلاردى كوپتەپ تارتىپ جاتىر. ءبىز قازاقستان ايماقتارىمەن ەكونوميكالىق-ساۋدا سالاسىمەن قاتار, ءبىلىم, ينفراقۇرىلىم-يننوۆاتسيالىق دامۋ, تۋريزم سالالارى بويىنشا ارىپتەستىك جاساۋعا مۇددەلىمىز; بيزنەستى قولداۋ شارتتارى دا ءتيىمدى كورىنەدى. ءبىزدىڭ مادەنيەتىمىز, مەنتاليتەتىمىز جانە ءدىنىمىز وتە ۇقساس», - دەدى ر.ميننيحانوۆ.
ەستەرىڭىزگە سالا كەتەيىك, تاتارستان پرەزيدەنتى رۋستام ميننيحانوۆ وتكەن جىلى جەلتوقسان ايىندا قىزىلوردا وبلىسىنا قىسقا مەرزىمدى جۇمىس ساپارمەن كەلگەن بولاتىن.
سونداي-اق, قىزىلوردا وبلىسى مەن تاتارستان رەسپۋبليكانىڭ نەگىزگى ارىپتەستىك سالالارى ءبىلىم مەن دەنساۋلىق ساقتاۋ ەكەنىن اتاپ وتكەن ءجون.
مۇنان بولەك, رەسەي فەدەراتسياسىنا جۇمىس ساپارى اياسىندا قىزىلوردا وبلىسىنىڭ اكىمى ق.كوشەرباەۆ جانە بىرقاتار مەملەكەتتىك ورگان باسشىلارى 16-18 قاڭتار كۇندەرى ماسكەۋ قالاسىندا حالىق شارۋاشىلىعى جانە مەملەكەتتىك قىزمەت اكادەمياسىندا وتكەن «گايدار فورۋمىنا» قاتىستى.
فورۋم بارىسىندا ەكونوميكا جانە ساندىق تەحنولوگيالارعا اۋىسۋ, ءتورتىنشى ونەركاسىپ رەۆوليۋتسيا كەزەڭىندە ترانسفورماتسيالار سەكىلدى بۇكىل دۇنيەجۇزىلىك قوعامداستىقتى قىزىقتىراتىن گلوبالدى ترەندتەر تالقىلاندى.
«گايدار فورۋمى» – 2010 جىلدان باستاپ وتكىزىلەتىن ەكونوميكا سالاسىنداعى جىل سايىنعى حالىقارالىق عىلىمي-پراكتيكالىق كونفەرەنتسيا. فورۋمدى ۇيىمداستىرۋشىلار – رحشجمقا, ە.ت.گايدار اتىنداعى ەكونوميكالىق ساياسات ينستيتۋتى جانە رەسەي يننوۆاتسيالىق ايماقتار قاۋىمداستىعى, فورۋمعا جەتەكشى رەسەيلىق جانە شەتەلدىك عالىمدار, ساراپشىلار, مەملەكەتتىك ورگاندار مەن بيزنەس ۇيىمدارىنىڭ جەتەكشىدەرى قاتىسادى.
ۇيىمداستىرۋشىلاردىڭ ايتۋىنشا, بيىل قاتىسۋشىلار سانى فورۋم تاريحىنداعى رەكوردتىق كورسەتكىشكە – 15 مىڭ ادامعا جەتتى.