اتىراۋ وبلىسىنىڭ اكىمى نۇرلان نوعاەۆ ماقات اۋدانىنا ساپارىندا ءبىلىم بەرۋ مەن دەنساۋلىق ساقتاۋ ماسەلەلەرى بويىنشا كوشپەلى جينالىس وتكىزدى.
ايماق باسشىسى جۇمىس ساپارى بارىسىندا اۋداندىق ەمحانا جانىنان اشىلعان وڭالتۋ ورتالىعى مەن 2017 جىلى جوندەۋدەن وتكەن بالالار كىتاپحاناسىن ارالاپ كوردى. ونىڭ كىتاپ قورىندا 12 265 كىتاپ بار, 1475 وقىرمان تىركەلگەن. ماقات اۋدانىندا 1327 كاسىپكەرلىك سۋبەكتىسى بار, سالادا 1394 جۇمىس ورىنى قۇرىلعان.
وبلىس اكىمى دەنساۋلىق ساقتاۋ مەن ءبىلىم بەرۋگە قاتىستى ماسەلەلەر بويىنشا كوشپەلى ءماجىلىس وتكىزدى. وبلىستىق دەنساۋلىق ساقتاۋ باسقارماسىنىڭ باسشىسى مانشۇك ايمۋرزيەۆانىڭ ايتۋىنشا, وڭىردە انا مەن بالا ءولىمى ازايعان. باسقارما انا مەن بالا ءولىمىنىڭ الدىن الۋعا باعىتتالعان شارالار جوسپارىن جاساعان. 4 اكۋشەر دارىگەر انەستەزيولوگ-رەۆموتولوگ, 30 اكۋشەر, 220 ۋچاسكەلىك قىزمەت دارىگەرى وقىتۋدان ءوتتى. جۇكتى ايەلدەردى سكرينينگ مەرزىمىندە ۋلترا دىبىستىق تەكسەرۋدەن وتكىزۋدى باقىلاۋ قاتاڭ نازاردا جانە بولاشاق انالارمەن ءتۇسىندىرۋ جۇمىستارى ۇنەمى وتەدى.
- بۇل باعىتتا ارالىق قورتىندىلارمەن قاناعاتتانباي, كورسەتكىشتى نولگە جەتكىزۋىمىز كەرەك. بوسانعان انا مەن بالانىڭ ءومىرى جۇكتىلىكتىڭ العاشقى ايىنان باستاپ دارىگەرلەردىڭ قاراۋىندا بولۋى ءتيىس. ماماندارىڭىزبەن جۇمىس جۇرگىزىڭىزدەر, انالاردىڭ جاعدايىن باقىلاۋدا ۇستاپ, قاجەت شارالاردى ۋاقىتىندا قابىلداۋلارى كەرەك. حالىق بىزدەن ۋاقىتىلى جانە كاسىبي مەديتسينالىق كومەك كۇتەدى, سولاي جاساۋعا مىندەتتىمىز, - دەدى نۇرلان نوعاەۆ.
ايماق باسشىسى وڭىرگە جۇمىس ىستەۋگە شاقىرىلعان مامانداردى قىزمەتتىك پاتەرمەن قامتۋ جايىن دا ايتتى. انىقتالعانداي, بارلىق اۋرۋحانالار شارۋاشىلىقتارىن تولىعىمەن وزدەرى جۇرگىزەتىندىكتەن وندا ىستەيتىن ماماندار مەملەكەتتىك تۇرعىن ءۇي قورىنان باسپانا الاتىن ازاماتتار تىزىمىنە ەنبەيدى ەكەن.
- شاقىرىلعان ماماندارعا قولايلى جاعداي جاساۋىمىز كەرەك. قىزمەتتىك جانە جالعا بەرىلەتىن تۇرعىن ءۇي بەرۋدىڭ مەحانيزمدەرى بار. ماماندارعا ۇي الۋدىڭ مۇمكىندىكتەرى مەن تارتىبىن تۇسىندىرۋگە ءتيىسسپىز. بارلىق جاۋاپتى ادامدارعا وسى ماسەلەنى شەشۋدى تاپسىرامىن, - دەدى نۇرلان نوعاەۆ.
جينالىستا ايتىلعانداي, 2017 جىلى ايماقتا 8 مەكتەپ پايدالانۋعا بەرىلدى, بيىل 9 مەكتەپتىڭ قۇرىلىسى جالعاسادى. 34 جالپى ءبىلىم بەرۋ مەكەمەسىنىڭ جوبالاۋ سمەتالىق قۇجاتتاماسى دايىندالۋدا.
2018 جىلى جاڭا موديفيكاتسيا بولمەلەرىن, ينتەراكتيۆتى تاقتا الۋعا, روبوتتەحنيكا بولمەلەرىن جابدىقتاۋعا 1,3 ملرد تەڭگە ءبولۋ جوسپارلانىپ وتىر. وبلىس اكىمى وسى باعىتتاعى جۇمىستى كۇشەيتۋدى تاپسىردى.
ايماق باسشىسى سونداي-اق «نۇر وتان» پارتياسىنىڭ اۋداندىق فيليالىندا ازاماتتاردى قابىلداپ, ماقات اۋدانىنىڭ اكىمى بەرىكقالي سارسەنعاليەۆتىڭ جىلدىق ەسەپ بەرۋ جيىنىنا قاتىستى.