الماتىدا «قالالىق دەنە شىنىقتىرۋ جانە سپورت وقۋ-تاجىريبەلىك ورتالىعى» باستاۋىش سىنىپ وقۋشىلارىنىڭ فۋتبول بىرىنشىلىگىن دۇركىرەتىپ وتكىزدى. بالالار اراسىندا ۇزاق ۋاقىت ايتىلىپ جۇرەتىن اڭگىمەگە اينالدى. ناعىز فۋتبول ساباعى بولىپ ەستە قالعان شىعار دەيسىز...
جاقىندا دوپ قۋعان بالالار «قايرات» فك كلۋبىنىڭ س.كۆوچكين اتىنداعى سپورت كەشەنىندە فينالدىق ويىن مارەگە جەتتى. بۇل تالدىرماش بالعىندار اڭساي كۇتكەن فۋتبول ساباعىنا قب بعم ۇلتتىق عىلىمي-پراكتيكالىق دەنە تاربيەسى ورتالىعى سپورت ءبولىمىنىڭ باسشىسى ب.رامازانوۆ, الماتى قالاسى ءبىلىم باسقارماسىنىڭ «قالالىق دەنە شىنىقتىرۋ جانە سپورت وقۋ-تاجىريبەلىك ورتالىعىنىڭ» ديرەكتورى ە.نازاروۆ, ورتالىق ديرەكتورىنىڭ ورىنباسارى ن.كوۆاليك, نۇسقاۋشىلارى ب.ەلەمەسوۆ, ج.ريزۆان جانە «قايرات» اكادەمياسى دەپارتامەنتىنىڭ باسشىسى ق. ورداباەۆ, وسى اكادەميانىڭ ارداگەرلەرى يۋ.شاديەۆ, ۆ.ماسۋدوۆ, ا.قوجابەرگەنوۆ تاعى باسقا دا ويىنشىلار قاتىستى.
فينالدىق ويىن جوعارعى دارەجەدە ءوتتى, جەڭىمپازدارعا سپورت ورتالىعى اتىنا «كوكا-كولا» كومپانياسىنىڭ سىيعا تارتقان فۋتبول دوپتارى سىيلىققا بەرىلدى. ناتيجە بويىنشا فۋتبولدان كوماندالىق ەسەپتە 1-2 سىنىپتار اراسىندا جەتىسۋ اۋدانى ءبىرىنشى ورىن, المالى اۋدانى ەكىنشى ورىن يەلەنسە, جۇلدەلى ءۇشىنشى ورىنعا ناۋرىزباي اۋدانى كوتەرىلدى. ال 3-4 سىنىپتار بويىنشا اۋەزوۆ اۋدانى ءبىرىنشى ورىن, تۇركسىب اۋدانى ەكىنشى ورىن, مەدەۋ اۋدانى فۋتبولشىلارى ءۇشىنشى ورىندى قاناعات تۇتتى. اقتىق جارىستىڭ ەكىنشى كەزەڭىندە 1, 2, 3 ورىن العان كوماندا «قايرات» فك ۇجىمىنىڭ كۋبوكتارىمەن, ديپلومدارىمەن, مەدالدارىمەن سونىمەن قاتار, بالالاردىڭ جوعارى دارەجەدە ويىن كورسەتۋىنە جاتتىقتىرۋشىلار العىس حاتتارمەن ماراپاتتالدى. جارىس بارىسىندا ەرەكشە ويىن كورسەتكەن ويىنشىلارعا, ۇزدىك قاقپاشى, ۇزدىك شابۋىلشى, ۇزدىك ويىنشى, ۇزدىك قورعاۋشى جۇلدەلەرى تابىس ەتىلدى. قازىر بالار كەلەسى كانيكۋلدى اسىعا كۇتىپ ءجۇر.
ساپارباي پارمانقۇل, «ەگەمەن قازاقستان»