مەملەكەت باسشىسى اقش-قا رەسمي ساپارى اياسىندا «Goldman Sachs» كومپانياسىنىڭ پرەزيدەنتى حارۆي شۆارتسپەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋدە تاراپتار «استانا» حالىقارالىق قارجى ورتالىعى مەن «Goldman Sachs» كومپانياسىنىڭ ودان ءارى ىنتىماقتاسۋ ماسەلەلەرىن تالقىلادى. نۇرسۇلتان نازارباەۆ حالىقارالىق قارجى ورتالىعىن قۇرۋ ءۇشىن اتقارىلعان جۇمىستاردىڭ ناتيجەلەرىنە توقتالدى.
– بۇگىندە بارلىق قۇقىقتىق جاعداي جاسالدى. اعىلشىن قۇقىعى بازاسىنداعى سوت قۇرىلدى. قاتىسۋشىلار ءۇشىن قاجەتتى بارلىق جەڭىلدىكتەر قاراستىرىلدى, سونىڭ ىشىندە ۆيزا جانە سالىق جەڭىلدىكتەرى دە بار, – دەدى قازاقستان پرەزيدەنتى.
سونداي-اق مەملەكەت باسشىسى «استانا» حالىقارالىق قارجى ورتالىعى امەريكانىڭ «Nasdaq» بيرجاسىمەن جانە شانحاي قور بيرجاسىمەن ىنتىماقتاستىق ورناتقانىن اتاپ ءوتتى.